Luk 6 | HUI | STEP | Sabada horongi Yasu ibu ladi ale mini widi teha pialu howa ibunaga talima piaga biarume widi biagonaga lini deago dowa gime yigiyugu buwa nama nama pene.

a 6.1Man 23.25

b 6.2Har 20.10, Yo 5.10

c 6.3-41 Sml 21.1-6

d 6.4LBM 24.5-9

e 6.7Lg 14.1

f 6.8Lg 5.22, 9.47

g 6.12Md 14.23

h 6.13Md 10.3-4, Mg 3.13-19, Yo 6.70

i 6.20Md 5.3, 11.5, Ya 2.5

j 6.21Iba 126.5-6, Ais 55.1, 61.3, Mo 7.16-17

k 6.22Md 5.11, Yo 15.19, 16.2, 1 Pi 2.19, 4.14

l 6.232 Bit 36.16, Md 5.12, Ab 5.41, 7.52, Kl 1.24, Ya 1.2

m 6.24Amo 6.1, Md 6.2, 6.5, Ya 5.1

n 6.25Min 14.13, Ais 65.13, Ya 5.1-6

o 6.26Yo 15.19, 1 Yo 4.5

p 6.27Har 23.4, Min 25.21, Md 5.44, Lm 12.20

q 6.28Lg 23.34, Ab 7.60

r 6.29Md 5.39, 1 Ko 6.7

s 6.30Man 15.7-10, Min 21.26, Md 5.42

t 6.31Md 7.12

u 6.32Md 5.46

v 6.34Md 5.42

w 6.35LBM 25.35-36, Iba 37.26, Md 5.45

x 6.37Md 6.14, 7.1

y 6.38Min 19.17, Md 7.2, Mg 4.24, Ya 2.13

z 6.39Md 15.14

aa 6.40Md 10.24-25, Yo 13.16, 15.20

ab 6.41Md 7.3

ac 6.43Md 7.16-17

ad 6.44Md 12.33

ae 6.45Md 12.34

af 6.46Mal 1.6, Md 7.21, 25.11, Lg 13.25

ag 6.48Md 7.24

‏ Luke 6

Sabada horongi biabe nabiaga winigo ogo

(Madiu 12.1-8, Maga 2.23-28)

1 Sabada horongi Yasu ibu ladi ale mini widi teha pialu howa ibunaga talima piaga biarume widi biagonaga lini deago dowa gime yigiyugu buwa nama nama pene. ^a 2 Ani biyagolaPerisi agali maru hearume tihondo lalu, Tígua inanagaMana lowini ngago Sabada horongi nabulene wini ngago puguaramigoni agibe, lene. ^b

3 Ani layagola Yasuhanda tihondo ladai bialu lalu, Debidibi agali maru ibu heba henerubi tomo nawiyagola ti garibi lowa Debidihanda bini gilibu ngago tí nahende kamibe. ^c 4 Ibugua Ngode Datagaliwabenaga andaha anda puwa mberedi Ngode Datagaliwabehondo lomabu mini wiago muwa maru ibuni nalu maru agali ibu heba heneru nelo mo mini. Anigo inanaga Mana lowini ngagoria mberedi ogoniloma binigo mo miaga agali degeme nolene nga lowinigo nga, lene. ^d

5 Ani lowa Yasuhanda lamaro bialu lalu, Agali Hole Ibiyago ibu Sabada horonaga Anduane ka, lene.

Agali mbira gi kohe henego ogo

(Madiu 12.9-14, Maga 3.1-6)

6 Sabada horo mendengi Yasu ibungoai hagane andaha anda pu howa ibugua mana lawai halu hene. Mana lawai halu hayagoha agali mbira gi tiganaga mbariane kohe hene. 7 Mana lowinigo lawai haga maru hearubiPerisi agali maru hearubi tigua Yasuhondo, Í̠na koore biri, lolene irane wilo ti ha para howa ibugua Sabada horongi mbirali mo dabi harabe hondole handaya ho hene. ^e

8 Tigua ogonidagua mitangi bialu heago hondowa Yasuhanda agali gi mbariane kohe biagohondo lalu, Heyalu i̱ kogoria íbu, lene. Ani layagola agali biagome heyalu pu hene. ^f 9 Ani heyu heagola Yasuhanda tihondo lalu, Sabada horongi inanagaMana lowinigo bulene nabulenebi agi lo ngabe. Biamogo bulene ngabe be mo ko holene ngabe. Agali nahomelo pele mulene ngabe be homelo bolene ngabe, lene. 10 Ani lowa Yasu ibugua ti bibahendeni handa de̱le̱ buwa agali biagohondo lalu, Í̠naga gi mbariane dogola, lene. Ani layagola agali biagome gi mbariane dogolayaore bayale ho dai bini.

11 Ani biyagola tigua keba timbuniore howa tini hangu laga laga bialu, Yasuhondo agi bimi̱yadabe, lalu hene.

Yasuhandaabosolo homberiali (12) dabenego ogo

(Madiu 10.1-4, Maga 3.13-19)

12 Horo ogoningi Yasu ibu hombene mbirani iraga howa mbi mbiru Ngode Datagaliwabela bi lalu haabo hene. ^g 13 Gao layagola Yasuhanda ibunaga talima piaga biaru olalu, Ibidaba, lowa ibugua agali homberiali (12) dabalu tinaga miniabosolo wini. ^h 14 Saimono Yasuhanda ibu ka̱i̱ mini Pida winigo ibubi ibu hamene Andurubi Yamesebi Yonebi Pilibibi Badolomiubi 15 Madiubi Tomasabi Alibiasa igini Yamesebi Saimono ibu ka̱i̱ miniPaidoro winigo ibubi 16 Yamese igini Yudasabi Yudasa Isagariodo ibu Yasu nde lenego ibubi uruni ti Yasuhanda dabene.

Yasuhanda mana lawai halu warago mo dabi halu henego ogo

(Madiu 4.23-25)

17 Yasu ibunagaabosolo agali biaru heba hombeneni henego daluwa yu dindi wiagoria ibu haruru piaga dewa ti heba bu hene. Wali agali dewaore Yudia bibahendeha howabi Yarusalemeha howabi solowara bereagoha Taia tano howabi Saidono tano howabi íbu ngoai ho hene. 18 Tigua Yasuhanda mana lawai hayago hale holebi warago bo wiaru mo dabi helobi ti ibini. Maru dama daragahe hearubi ibiyagola dama wara tagi halu mo dabi hene. 19 Yasuha howa hongo holene tagira ibiyagome ti bibahende mo dabi hai helo wali agali bibahendeme Yasu ela hoa hene.

Turu holenebi dara holenebi ogo

(Madiu 5.1-12)

20 Yasuhanda ibunaga talima piaga biaru handaya howa lalu,

Tí yagibano kamiru Ngode Datagaliwabehanda Handame Ho Kagoria tínaga ngago turu ho holene nga. ⁱ
21 Áyu garibilo kamiru mani nabe manga bulebirago turu ho holene nga. ^j
Áyu dugu bialu kamiru mani oba holene wulebirago turu ho holene nga.
22 Agali Hole Ibiyagonaga kamigo hondowa wali agalime tí handabe manga haragolabi bo pelaragolabi mege bialu tí ko ngubi laragolabi tí turu ho holene nga. ^k 23 Ogonidagua biragola tínaga emena timbuniore dahuliya andagaha wia do kago manda buwa tígua kulo howa mali luyu ibaga bulene nga. Tinaga mamali henedarume Ngode Datagaliwabe manalatagi haga heneruhondo ogonidagua dege binigo manda buwa turu ho holene nga. ^l

24 Anigo áyu homogo kamiru tí holene baya awadaga harimigo tínaga mo ko holene timbu gibiore wulebirago dara holene nga. ^m
25 Áyu nabe manga ho kamiru mani garibilo howa tínaga mo ko holene timbu gibiore wulebirago dara holene nga. ⁿ
Anigo áyu oba howa kulo kamiru mani tí yi lalu dugu bialu holeberamigo tínaga mo ko holene timbu gibiore wulebirago dara holene nga.
26 Wali agali bibahendeme tí kamirunaga mini mo yaraga haragola tínaga mo ko holene timbu gibiore wulebirago dara holene nga. Bamba tinaga mamali henedarume ke̱ howa mana latagi haga heneru hondowa ogonidagua dege bialu hene. ^o

Waitigi karuhondo gubalini holene ngago ogo

(Madiu 5.38-48, 7.12)

27 I̱na bi larogo hale haramigohondo laro. Tínaga waitigi karuhondo gubalini ho halimu. Tíhondo handabe manga ho karuhondo tígua bayale dege bia dai bilimu. ^p 28 Marume tíhondo ha halu homabe layagua tígua tihondo bayale bia dai bilimu. Tíhondo ko bialu karu bayale helonaga tígua Ngode Datagaliwabehondo tinaga bi la halimu. ^q 29 Anigo mbiralime tínaga pe mendeyagi bayagua mendehayagibi belo beregedalimu. Ani buwa mbiralime tínaga dagare aga mo yalu piyagua aga mendebi tago bialu milimu. ^r 30 Mbiralime tíhondo mbirale mbira moga ngidaba laragola milimu. Ani buwa mbiralime tínaga mbirale mo yalu piyagua lone yadai bia nalalimu. ^s 31 Wali agali marume tíhondo bilo hame laramilidagua nde tígua maru biaruhondo ani dege bilimu. ^t

32 Tí gubalini hagaru hangu gubalini harimiyagua tígua turubini ngago aginaga yuleberamibe. Ko biaga karume tihondo gubalini hagaru tibi gubalini dege haga ka. ^u 33 Ani buwa marume tíhondo bayale biagaruhondo hangu tígua bayale bia dai birimiyagua tígua turubini ngago aginaga yuleberamibe. Ko biaga karumebi ogonidagua dege biaga kagoni. 34 Tígua mbirale mbira mialu howa mo yu dai bibehegohondo mirimiyagua tígua turubini ngago aginaga yuleberamibe. Ko biaga karume tibi lone mo yu dai bulenaga ani moga miaga kagoni. ^v 35 Anigo tígua tínaga waitigi karu gubalini howa tihondo bayale dege bialu mbirale mbira moga yilo meramigo yadai bia nalalimu. Ani birimiyagua tígua emena timbuni ngago yuwa Ngode Datagaliwabe Daligaorene Daliga Kagonaga waneigini holeberami. Ogoninaga ibugua ka̱i̱ nalaga karuhondobi koore biaga karuhondobi bayale dege biaga ka. ^w 36 Tínaga Abahanda tí dara halu biamogo biagadagua tígua nde maru dara halu biamogo bilimu.

Marume birago tígua daba ki bulene nawigo ogo

(Madiu 7.1-5)

37 Tígua wali agali maru karume biragonaga daba ki nabilimu. Daba ki nabirimiyagua Ngode Datagaliwabehanda tígua beramigobi daba ki nabulebira. Tígua maruhondo hongo howa, Pani nabe, nalalimu. Nalarimiyagua Ngode Datagaliwabehanda tíhondobi nalolebira. Marume tíhondo ko biyago biadai nabi wahalimu. Anidagua birimiyagua Ngode Datagaliwabehanda tínaga ko birimigobi domo waholebira. ^x 38 Ani buwa maruhondo milimu. Ani beramigola Ngode Datagaliwabehanda tíhondo ngulebira. Ibugua ngulebirago emene ndo dewaore mo tago howa ngiragola tínaga gime yu to̱lo holeberami. Tígua maruhondo mbirale meramigo daba nabi mirimiyagua Ngode Datagaliwabehanda nde tíhondo daba nabi ngulebira, lene. ^y

39 Ani lowa Yasuhanda tihondo bi yobage lowa lalu, Agali de koheme de kohe dege mendeali haru pobe nahe. Haru piyagua libu haru ganaruaha pilo pagupagu bu wulebira. ^z 40 Lo manda biaga karu ti lawai haga kagobi ndo emene nira ale ka. Anigo lo manda biaga biagome lo manda biai howa ibu lawai haga kagobi dege holebira. ^aa

41 Tígua tí hamenenaga deni kugi emene ngago handaramiligo tíninaga deni ira goba ale ngago nahende kamigo agibe. ^ab 42 Tígua tíninaga deni ira goba ale wu kamigo nahandabehe howa tí hamenehondo lalu, Í̠naga deni kugi emene ngago mero, lalu agua labehedabe. Tí tombene hondo kihe kamigoni. Tíninaga deni ira goba ale wu kamigo ala mo wahowa mani tí hamenenaga deni kugi emene ngago bayuwa handalu mibehe holeberami.

Irame lini daganegonaga te ogo

(Madiu 7.16-20, 12.33-35)

43 Ira bayale kagome lini ko nadaga. Ogonidagua ira ko kagome lini bayale nadaga. ^ac 44 Ira bibahendeme lini darago hondowa ira ogobiore kalo manda beramili. Ira anihe kagome poge lini nadaga. Mamuni anihe ale kagome lini mbira minigerebi nadaga. ^ad 45 Mbirali bayale kagome ibuninaga bu habaneha bayale ngagobi biatagi haga ka. Mbirali ko kagome ibuninaga bu habaneha ko ngagobi biatagi haga ka. Mbiralime ibuninaga bu miniha to̱lo ngagobi ne harigaha howa latagi haga ka. ^ae

Agali kirame anda binigo ogo

(Madiu 7.24-27)

46 I̱na tíhondo bidaba lalu langirugo bia nabi howa tígua i̱hondo, Anduane Homogo-o Anduane Homogo-o, laabo harimigo agibe. ^af 47 Mbirali i̱ kogoria ibuwa i̱na bi larogo hale howa biyagua i̱na ibu ogobi ka lalu walia holebero. 48 Agali mbirame ege to̱le̱ni uli wawa anda bayuwaore bu heagola dalu ibalu iba li timbuni piyagome dindi namu layagola anda bayale binigo ema nabi hongo ho hene. Agali ogoni ibu ege to̱le̱ni anda biyago ale ka. ^ag 49 Anigo i̱na bi larogoni hale howa bia nabi kagome ibu agali mende anda bialu gene bayuwa nawe biyago ale ka. Ani biyagola howa dalu ibalu iba li timbuni pialu anda biago abale gialo yayagola poda ibira halu u emene agima ndo lowa kulu hangu lalu podope hene, lalu lamini.