Mar 16 | HUI | STEP | Sabada horo piai hayagola howa Magadala wali Meribi Yamese ai̱ya Meribi Salaumibi tigua Yasunaga tinginini ha̱i̱ hole weli tara ngabiore yolo bini.

a 16.7Md 26.32, Mg 14.28

b 16.9Lg 8.2

c 16.10Lg 24.10

d 16.141 Ko 15.5

e 16.15Md 28.19, Ab 1.8, Kl 1.23

f 16.16Yo 3.18, 3.36, 12.48, Ab 2.38, Lm 10.9, 1Pi 3.21

g 16.17Ab 2.4, 5.16, 8.7, 10.46, 1Ko 12.10, 12.28

h 16.18Lg 10.19, Ab 5.15-16, 28.3-9, Ya 5.14-15

i 16.19Iba 110.1, Ab 1.2-3, 1.9-11, 2.33-34, 7.55

j 16.20Ab 5.12, 14.3, 1Ko 2.4-5, Hi 2.3-4

‏ Mark 16

Yasu ibuni mo heya henego ogo

(Madiu 28.1-8, Lugu 24.1-12, Yone 20.1-10)

1 Sabada horo piai hayagola howa Magadala wali Meribi Yamese ai̱ya Meribi Salaumibi tigua Yasunaga tinginini ha̱i̱ hole weli tara ngabiore yolo bini. 2 Horo Sandengi egerebagiore ti ege anda biagoha pene. 3 Pialu howa tini lalu, Ege to̱le̱ ege anda panga payiyago aiwa dugua helodabe, lama pene. Ege to̱le̱ ogoni timbuniore winigo manda bialu ani lene. Pialu howa handa amu halu hearia ege to̱le̱ panga biago dugua ho wiaria de hendene. 5 De hondowa ege anda biagoha anda pialu hearia agali mbira labolabo pele karule wali biarunaga gi tigahayagi bereago de hondowa ti mogo lowa handaya hene.

6 Ani biyagola agali biagome tihondo lalu, Mogo naladababe. Nasareteali Yasu ira bangani ba para hayago hai bialu kamigo ibu ogoniha nawi ibuni mo heya halu piya. Ibu hora hayagoria ogoni tí de handadaba. 7 Pidabi Yasunaga talima piaga maru karubi ti karia pialu au lalimu. Yasu ibu bambaha halu Galili pole porago. Ibu ala langiyadagua ogoriani tí de hondoleberemigo, lamule pudaba, lene. ^a

8 Ani laya handala ti mogo lowa gi timbuni halu ege anda biagoha howa abale tagira pialu gerai lalu pene. Gi timbuni halu ti maruhondo bi nale puabo hene.

Magadala wali Meri berearia Yasu ha pani henego ogo

(Madiu 28.9-10, Yone 20.11-18)

[ 9 Horo Sandengi egerebagiore Yasu mo heya howa Magadala wali Meri ala de hendelo ibu bereria Yasu ha pani hene. Wali ogoni dama karia daragahe berearia Yasuhanda ala wara tagi hene. ^b 10 Ha pani hayagola wali agali Yasu heba ala haga hearume dara howa dugu bialu hearia Meri ibugua lamule pene. ^c 11 Puwa Merihanda lalu, Ibuni heyu heago i̱na de handaru, layagola hale howa tigua hawa larabe toba ho hene.

Talima piaga kirali hearia Yasu ha pani henego ogo

(Lugu 24.13-35)

12 Ani buwa agali kira harigani pialu hearia Yasu ibu ha pani hayagola libugua ibu agali tarabe toba ho hene. 13 Ani biyagola libugua wali agali maru Yasu heba ala haga biaru hearia dai buwa, Yasu handariba, lalu lamiyagola ti hawa larabe toba howa mini kira wu hene.

Yasu agali bereali (11) biaru hearia ha pani henego ogo

(Madiu 28.16-20, Lugu 24.36-49, Yone 20.19-23, Abosolo 1.6-8)

14 Ani buwa maniore ibunaga talima piaga bereali (11) biaru tomo nalu bereagoria Yasu ibu ha pani hene. Ha pani hayagola ibuni mo heya hayiyagola howa wali agali de handayarume bi layago ti hale howa mini mbiraore nawiyagobi bu mini giambe ho hayiyagolabi hondowa Yasuhanda ti talini. ^d 15 Ibugua tihondo lalu, Dindi bibahendeni purogo lalu wali agali bibahendehondo bi mana debene lamima pilimu. ^e 16 Bi mana debene yu tiga bu karume baboraya buwa pele mulene yu holebira. Yu tiga nabi karume pani nolebira. ^f 17 Mo yai ho karume manane ogonibi walia holebira. I̱naga minini howa dama daraga karu wara tagi holebiragobi wali agali taranaga bi lolebiragobi ^g 18 tigua puya minayaguabi tomia iba nayaguabi nahomolebira. Tigua wali agali warago bo ngaru gime ela haragola dabi holebira, lene. ^h

Yasu dahuliya andaga iraga halu penego ogo

(Lugu 24.50-53, Abosolo 1.9-11)

19 Anduane Homogo Yasuhanda tihondo bi layagola howa dahuliya andaga iraga halu Ngode Datagaliwabe gi tigahayagi pu berene. ⁱ 20 Ani biya handala tigua purogo lalu dindi bibahendeni bi mana lamigi bima pene. Pialu howa Anduane Homogohanda ti biamogo bialu tigua bi mana lamiyago henene larago manda bilonaga manane walia hene.] ^j