Phili 3 | HUI | STEP | Bi lamaro bialu larogo ogo. I̱ hamene mbaliniru-o Anduane Homogoha howa turu haabo halu halimu. Bi ala larugodagua lone labe manga nahe howa tí bayuwa bialu halimulo biamogo bialu laro.

a 3.12 Ko 13.11, Pb 2.18, 4.4

b 3.2Iba 22.16, 22.20, Lm 2.28, 2 Ko 11.13, Ga 5.2, 5.15, Mo 22.15

c 3.3Lm 2.29

d 3.42 Ko 11.18, 11.21-29

e 3.5Lg 1.59, Ab 23.6, 26.5, Lm 11.1, 2 Ko 11.22

f 3.6Ab 8.3, 22.4, 26.9-11

g 3.7Md 13.44-46

h 3.8Yar 9.23-24, 1 Ko 2.2, Kl 2.2

i 3.9Lm 3.21-22, 9.30, 10.3-6, Ga 2.16

j 3.10Lm 6.3-5, 8.17, 2 Ko 4.10-11, Ga 6.17, 2 Ti 2.11-12, 1 Pi 4.13

k 3.11Lg 14.14, Ab 4.2, 1 Te 4.16, Mo 20.5-6

l 3.12Ab 9.5-6, 1 Ti 6.12, 6.19, Hi 12.23

m 3.131 Ko 9.24-26, 2 Ko 5.16, Hi 6.1

n 3.141 Ko 9.24, 2 Ti 4.7-8, Hi 3.1, 12.1

o 3.151 Ko 2.6, 14.20, Ga 5.10

p 3.16Lm 12.16, 15.5, Ga 6.16

q 3.171 Ko 4.16, 11.1, Pb 4.9, 1 Te 1.6-7, 1 Pi 5.3

r 3.181 Ko 1.23, Ga 1.7, 2.21, 6.12, Pb 1.15-16

s 3.19Lm 8.5-6, 16.18, 2 Ko 11.12, 11.15, 2 Pi 2.1

t 3.20Eb 2.6, 2.19, 1 Te 1.10

u 3.21Lm 8.29, 1 Ko 15.28, 15.43-53, Eb 1.19, Kl 3.4

‏ Philippians 3

Tigabi henene holene ngago ogo

1 Bi lamaro bialu larogo ogo. I̱ hamene mbaliniru-o Anduane Homogoha howa turu haabo halu halimu. Bi ala larugodagua lone labe manga nahe howa tí bayuwa bialu halimulo biamogo bialu laro. ^a 2 Agali maru biango gabua ale howa ohalu mana ko biaga karumedongone podo mabu biagane mana harugo lowa bulene nga lagago tí de hondo halimu. ^b 3 Dongone podo mabu biagane mana henemaneyi ti ndo ina kamagoni. Ngode Datagaliwabe Dinini ibu ina haru kagome Ngode Datagaliwabe henemane mitangi bialu ibunaga mini yaraga halu Keriso Yasuha howa ina turu haramali. Tingini tagirahayagi howa biaganego iname mo galone naharamali. ^c 4 Tingini tagirahayagi howa biaganego galone ngayagua i̱ gi nahe karulape bibehe kogoni. Mbiralime mana ogoni mo galone hayagua i̱na mo galone timbuniore holene manda bibehe kogoni. ^d 5 I̱ taba hanayangi howa horo halinini tigua i̱ dongone podo mabu bini. I̱ Isaraeleali howa Beniyamini hameigini mbirago kogoni. I̱ aba ai̱yala libu Hiburu wali agaliore henego i̱bi Hiburu agaliore kogoni. I̱Perisi agali howa Yu wali agalinagaMana lowini ngadagua bialu haga harugoni. ^e 6 Perisi agalinaga mana ogoni yu tiga bu harugonaga hongo walia halu Keriso hameigini heneru balu mo tandaga haabo haru. Mana lowinigome bulenebi nabulenebi wiadagua biaiore harugo i̱hondo mbira nakarulape biri lolene nawini. ^f 7 Áyu Kerisola howa ala galonedalo manda bialu harugoni ai nagaloneyane handa walia haru. ^g 8 Ogoni dege ndo i̱naga Anduane Homogo Keriso Yasu manda bu holene bayale gibiore ngagome mbirale bibahendeore nagaloneyane handa walia hai kogoni. Aniyane i̱na Keriso mitangi bialu ala yu haruruni bibahende wahai haru. I̱naga yolo Keriso ibu kago i̱na yu tiga buwa i̱la ibula mbiraore holenaga bibahendeore ala yu harugoni ko ngubidago manda buwa wahai harogoni. Mana lowinigome bia layadagua i̱na bialu harugome mini tigabi wu ko manda bu harugo. Áyu ogonidagua ndo i̱na Keriso yu tiga bu kogome Ngode Datagaliwabehanda i̱hondo, Í̠ mini tigabiwi kegoni, layagola ko. ^{h
,} ⁱ 10 I̱na hameledogo hangu ogo i̱ Keriso manda buwa ibu homowa mo heya henegonaga hongobi manda bua ko. Ibugua tandaga nayadagua i̱bi tandaga nalu ibu homayadagua ibuha homolene hamelo ko. ^j 11 Irane i̱ ibuha homowa mo heya holebiraore lowa mini dunu bia ho kogoni. ^k

Anda polene ngagoria hondo yalu polene ngago ogo

12 I̱na larugoni áyu i̱ bolangua howabi i̱ bayaleore kogoni lalubi ndo laru. Ani nabigo i̱ Keriso Yasu ibugua i̱ mo ibunaga henego kogoni howa ai i̱ hameledogo larugo muleore lalu hongo howa pialu kogoni. ^l 13 Hamene mbaliniru-o heneneore larogo i̱na hameledo larugoni abale yu kogonidalo manda nabido. Galone mbiraore dege biruligo langero. I̱naga erembiraha ngaru embeda halu deme ngane hendedogo mule bayuwa hendedogoria hondo yalu puabo haruli. ^m 14 Ngode Datagaliwabehanda Keriso Yasuni howa, Dahuliya andagani holene mo yule íbu, lalu olenego i̱hondo ngilo i̱na pumaro bulene ngagoria hondo yalu puabo halu ko. ⁿ

15 Keriso hameigini mini bogabi kamaru iname ogonidagua mitangi bialu holene nga. Tí maru kamirume ogonidagua ndo tara bialu kamiyagua Ngode Datagaliwabehanda walia holebira. ^o 16 Ogoni áyu kamagoni howa mana bayale ala mo yu harimagoni hongo howa yalu puabo hami̱ya. ^p

17 Hamene mbaliniru-o tí bibahendeme i̱na birulidagua biaabo halimu. Iname bialu haramalidagua marume bialu karu de handalu bilimu. ^q 18 I̱na tí ala langiaabo halu harugo áyu nde de ibala haru howa langerogo wali agali dewali tigua bialu kagome Keriso ira bangani homayagonaga mo waitigi haga ka. ^r 19 Ani bialu karu ti heli dindi polene nga. Tini tinginime dimagoli holene hame lagabi ti taga holene ngagonaga mine halu karuni tigua dindini ngaru hangu mitangi buwa bialu haga. ^s 20 Ai ina dahuliya andaganaga wali agali kamaru inanaga Pele Ngiaga Anduane Homogo Yasu Keriso dahuliya andaga howa daiore bilo lowa hondo kama. ^t 21 Ibugua inanaga tingini hongo nahe kamagoni mo taraore halu ibuninaga tingini baya taraore kagobi dege mo karula holebira. Ibugua bibahende ngarubi karubi haru hai hole ibunaga hongo gibi kagome haru hagago hongo ogonime ina mo tara holebira. ^u