Psa 11 | HUI | STEP | Anduane Homogohanda i̱ handayaho holebiragonaga mini mbiraore wu ko. Egame agali ibirago handalu ibida piagadagua tígua i̱hondo, Hari bare ngaruha ha do hole ibida pu, laga kamiruni tí lulu mini nawi be tobaheda.

a 11.1Iba 2.12, 121.1

b 11.2Iba 7.12, 37.14, 64.3-4

c 11.3Iba 87.1, 119.152

d 11.4Mai 1.2, Md 5.34

e 11.5Pig 22.1, Iba 34.19, Ya 1.12

f 11.6Iba 75.8, Yar 4.11-12, Ese 38.22

g 11.7Iba 7.9-11, 16.11, 33.5

‏ Psalms 11

Anduane Homogohondo mini mbiraore hongohe wu kago ogo

1 Anduane Homogohanda i̱ handayaho holebiragonaga ^a
mini mbiraore wu ko.
Egame agali ibirago handalu ibida piagadagua
tígua i̱hondo, Hari bare ngaruha ha do hole ibida pu, laga kamiruni
tí lulu mini nawi be tobaheda.
2 Tígua lalu, Agali ko biagome agali bayale kago bole ^b
ibu aruma kagoha howa timu edaho kagoni.
3 Wali agali bibahendeme mana tigabi ngago nabiaga heagua nde ^c
mbirali tigabi kago ibugua ago bulene wiaruabe, lalu kami.

4 Anduane Homogo ibu ibunaga anda lomabia heneha kagoni. ^d
Ibu dahuliya andaga kini howa
ibugua wali agali bibahende bu karu de handaiore ka.
Wali agalime bialu karuni ibu manda biaiore kagoni.
5 Anduane Homogo ibugua wali agali ko biaga bayale biagabi manda bu ka. ^e
Ibugua wali agali mana lo ngaru wahaga karu handabe manga haga ka.

6 Wali agali ko biaga bu kagoha ^f
ibugua ira hungubi ege to̱le̱ ambuabi mini soloba dedaore hedope holebira.
Puyabu pobo timbuniorebi ibilalu ti pani nalu holebira.
7 Irane Anduane Homogo ibuni mini tigabi howa ^g
mana bayale tigabi biraru hondowa turuho haga ka.
Wali agali mana bayale tigabi biaga karu
tigua ibuninaga wanakui hondolebira.