Psa 2 | HUI | STEP | Hameigini tara tara palu ngarume handabe manga hami̱ya lalu lo manda bialu kago aginagabe. Wali agali urunime aguaore bami̱ya lalu ndi nde lalu karu irane aginagabe.

a 2.1Iba 46.6

b 2.1-2Ab 4.25-26

c 2.4Iba 37.13, 59.8, Min 1.26

d 2.7Ab 13.33, Hi 1.5, 5.5

e 2.8Iba 72.8, Dan 7.13-14, Yo 17.4-5

f 2.9Iba 89.23, Mo 2.26-27, 12.5, 19.15

g 2.11Pb 2.12, Hi 12.28

h 2.12Yo 5.23, 1 Pi 2.6

‏ Psalms 2

Ngode Datagaliwabehanda Kini Dabo helenego ogo

1 Hameigini tara tara palu ngarume ^{a
,} ^b
handabe manga hami̱ya lalu lo manda bialu kago aginagabe.
Wali agali urunime aguaore bami̱ya lalu ndi nde lalu karu irane aginagabe.
2 Anduane Homogohondobi mbirali kini helo ibugua dabayagohondobi
wali agali tinaga kinirume wai bule manda bu ka.
Haru hagarumebi mandagi mo mogobu biruwa handabe manga halu ti hoba mialu kagoni.
3 Wali agali o biarume lalu,
Libugua ina haru hole dariba hayago hado wahami̱ya, lalu ka.
Libugua ina haru nahelo yu wahami̱ya, lalu ka.

4 Anidagua lalu kagoni. ^c
Anduane Homogo ibu dahuliya andaga ibuninaga dagiani handadaliho biruwa
ti hondo oba halu ka.
Tigua ni lo manda biraruni
bame de gangabi henene halu buluba ndodagola
ibugua mo yo hondo ka.
5 Ani bialu ti bayale bidabani keba holeneme
ti mini wilo mo gi halu ka.
6 Ibugua keba howa lalu,
I̱naga Hari Saiono loma bini ngagoria
i̱naga kini ibu ogoriani tagira íbu heledo, lene.

7 Kini ogoni ibugua agua lolebira. ^d
Anduane Homogohanda ledadagua latagi halu larogo.
Ibugua i̱hondo lalu, Í̠ i̱ igini kegoni.
Áyu i̱ í̠ aba harogoni.
8 Wali agali hameigini tara tara palu ngaru bibahende ^e
i̱na haru hoabe lariyagua ani bia lolebero.
Dindi bibahendebi mbirale bibahende ngarunibi
í̠naga dege holebira.
9 Uruni bibahende í̠na kangome bo podolebere. ^f
Mbodoli be gingiru laradagua
bibahende bo gingirulo paya paya bulebere.

10 Bi hiriribi urunibi lene ngago manda buwa
dindini kini harimidaru tíni tiga bialu halimu.
Haru haga bibahende harimidaru tíbi hale halu bayuwa manda bilimu.
11 Gi howa Anduane Homogonaga biabe bialu halimu. ^{g
,} ^h
Duru lalu ma podope halu ibu igini mitangi bialu lotu lalimu.
Ibu abale keba haragola tí homo tongolodaga holigo
tí mini wialu ogonidagua bilimu.
Ibuha mo humbi howa ha do ho karu ti turubioreni ka.