Psa 23 | HUI | STEP | Anduane Homogo ibu i̱naga haru haga kagoni. Ani kagome i̱ buru pale mbira ngagola ibunime karulape ngulebira.

a 23.1Iba 34.9-10, Ais 40.11, Yo 10.11, 1 Pi 2.25

b 23.2Iba 36.8, 65.11-13, Ese 34.14, Mo 7.17

c 23.3Iba 5.8, 19.7, 85.13

d 23.4Iba 16.8, 27.1, Ais 43.2, Mai 7.14

e 23.5Iba 78.19, 92.10, Lg 7.46

f 23.6Iba 25.7, 25.10, 27.4-6, 2 Ko 5.1

‏ Psalms 23

Anduane Homogo ibu inanaga haru haga kago ogo

1 Anduane Homogo ibu i̱naga haru haga kagoni. ^a
Ani kagome i̱ buru pale mbira ngagola ibunime karulape ngulebira.
2 Ibugua i̱ tani gahenge kagoriabi
iba gagahe bedagoriabi ^b
ema nabi biruliya haru haga ka.
3 Ibugua hongo gahenge i̱ ngiaga. ^c
Ibugua ala bulebero lalu lo wiyadagua
i̱ hariga tigabini haru piaga ka.

4 I̱ homolene ngagoria kaware pu haruyaguabi
i̱ gi naholebero. ^d
Anduane Homogo-o í̠ore i̱ heba haabo haga kegoni.
Í̠naga kango halimbubi yidegome i̱ biamogo biaga.

5 I̱naga waitigi karu handaya ho helowa ^e
í̠na i̱ tomo karulapeore noliya manda manda bu ngiaabo harili.
Agali haguaneru tomo nabiya ibabe lowa bulenedagua
habane nabuleneore i̱ kogohondo biaga ke.
I̱naga iba beha iba hambu to̱la tagiore howa ngiaga ke.
6 Í̠naga gubalini haho wiaabo holenebi
dara howa biamogo bulenebi ^f
i̱ porodagua mandagi ibagabu haaboore holebiralo manda bido.
I̱na Anduane Homogo í̠ andagaha haabo holebero.