Psa 3 | HUI | STEP | Anduane Homogo-o i̱naga waitigi dewaore bu kagoni. Tigua i̱ bole manda mandabu kagoni.

a 3.1-122 Sml 15.13—17.22

b 3.3Iba 62.7

c 3.4Iba 4.3, 43.3

d 3.6Iba 23.4, 27.3, 118.10-13

e 3.7Yob 16.10, Iba 22.21, 57.4, 58.6

f 3.8Iba 28.8, 29.11

‏ Psalms 3

Debidi ibu mo hongo helo egerebagi Anduane Homogohondo bi lenego ogo

1 Anduane Homogo-o i̱naga waitigi dewaore bu kagoni. ^a
Tigua i̱ bole manda mandabu kagoni.
2 Tigua i̱ lo guralu howa lalu,
Ngode Datagaliwabehanda í̠ biamogo nabulebira, lalu ka.

3 Ti ani laragoyu Anduane Homogo-o í̠ i̱naga wai humbi ale howa ^b
i̱ ho hangai haga kegoni.
Í̠nime i̱ wayali holiya biamogo biaga ke.
Í̠nime i̱naga genda bu ngago mo wahalu
i̱ mo hongo haga kegoni.
4 I̱na Anduane Homogohondo, I̱ biamogo bia, lalu olaruli. ^c
Ibuninaga hari loma biahene biagoria howa
ibugua i̱na bi larogo ladai biaga ka.

5 Mbiraga i̱ paliahondo kogola
Anduane Homogohanda i̱ handayaho haga ka.
6 Ami agali daosini pira agimame (10,000) i̱ ho hagira biragola ^d
i̱na ti hondowa gi naholebero.

7 Anduane Homogo-o í̠ ibabe. ^e
I̱naga Ngode Datagaliwabe-o i̱ biamogo bule ibabe.
I̱naga waitigi karu baba wai biaga í̠ kegoni.
Agali ko karume i̱ mo ko nahelo
tinaga ne bo hondaga kegoni.
8 Anduane Homogo í̠ni hangume í̠naga wali agali karu haru dai biaga kegoni. ^f
Ti bayale helo í̠na biamogo bibelo hamelo ko.