a33.5Iba 11.7, 37.28, 119.64
b33.6Pig 1.6, 2.1, Iba 104.30, Hi 11.3
c33.7Har 15.8, Yos 3.16, Iba 78.13
d33.9Iba 148.5
e33.10Iba 2.1-3, Ais 8.10, 19.3
f33.11Yob 23.13, Iba 40.5, Min 19.21, Ais 55.8
g33.12Man 7.6, Iba 28.9, 144.15
h33.13Yob 28.24, Iba 11.4, 14.2
i33.141 Kin 8.39, 8.43, Iba 102.19
j33.152 Bit 16.9, Yob 10.8, Iba 119.73
k33.16Iba 44.6, 60.11
l33.17Iba 20.7, 147.10, Min 21.31
m33.18Yob 36.7, Iba 32.8-10, 1 Pi 3.12
n33.19Yob 5.20, Iba 37.19, Ab 12.11
o33.20Iba 62.1, 115.9, Ais 8.17

‏ Psalms 33

Anduane Homogonaga mini yaraga halu iba gana lenego ogo

1Tí mini tigabiwi kamiru bibahendeme
Anduane Homogohanda bigi biyagonaga turuore howa ga̱ lalu ladaga halimu.
Tí Anduane Homogohanda ledadagua hale halu biaga kamirume
ibunaga mini yaraga halimu.
Wali agali mini tigabiwi karume mana ogonibi bulene nga.
 2Ga̱wa̱ hiliyularume Anduane Homogonaga mini yaraga halu
ibuhondo iba gana lo milimu.
 3Iba gana gahenge wabuwa Anduane Homogohondo lo mialu howa
hiliyula ga̱wa̱ru lagane mugubeoreme lalu
turuore halu hongo howa ladaga halimu.

4Anduane Homogonaga bi damenego bibahende henene hanguore lo nga.
Ibugua mbirale galone bigi bulebero ledagobi heneneore bulebira lowa
ibuha hanaho habehe kama.
 5Anduane Homogo ibu mana tigabi bulenebi henene lolenebi gubalini haga ka. a
Ibunaga gubalini haabo holeneme dindi bibahendeha to̱lai ka.

6Anduane Homogohanda hari daliga li kagoni b
ibunaga bime ani ha lowa
ni ege yakundiru li bu karunibi ani hadaba layagola heneru ka.
 7Ibugua iba dameneru mbiraore hanguni mo mogo buwa berelene. c
Iba solowaranaga guru kuyama
uli gibiruha panga payanda ho ngelama poradagua bini.

8Dindi bibahendeni bu kamirume Anduane Homogo mitangi halu
ibunaga mini yaraga hadaba.
Wali agali dindi bibahendeni kamirume ibu daligaore ka manda bialu
ibunaga mini yaraga hai hadaba.
 9Ogoni irane ibugua bi hangu layagola d
mbirale bibahende dindini ngaruni íbu helene.
Ibunaga bime mbirale ogoale tagira íbu ha laga biyagola
tagira íbu haga bini nga.

10Dindini hameigini tara tara paluyu pedarume e
mbirale nagalone bule mandamanda bu wigi bidaru nabilonaga
Anduane Homogohanda mo pere laga.
Tigua bule miniha manda bu yidaru bualono burugu lelo
ibugua mini yaniho haga.
 11Anigo Anduane Homogo ibugua bule manda bu winiru f
mbira ereba nahe wiaabo holebira.
Ibugua bule manda bu yinigo
mbirale mbirame mo ereba habe nahe hongoheore wiaabo holebira.
 12Hameigini mbira tinaga Ngode Datagaliwabe mende nahe g
Anduane Homogo ibuni hangu ka lowa yu tigabu karu
ti turubiore ka.
Wali agali Anduane Homogohanda ibuninagaore helo lowa dabene karu
ti turubiore ka.

13Anduane Homogohanda dahuliya andaga howa de handadali halu
wali agali bibahende bu kamaruni handai ho ka. h
 14Ibugua kini howa haru kagoria howa de handadali halu i
ina dindini wali agali bu kamaruni de handai ka.
 15Wali agali damene bibahendenaga mitangi bulene pigane ibugua mo wia howa j
tigua birago damene bibahende ibuni manda biai ho ka.
 16Kini ibunaga ami hongohe kago hangume agalila wai bialu ibu wayali haga ndo. k
Wai biaga ami agali mbira ibu wai bialu wayali haganego
ibuninaga hongo hangume ndo.
 17Wai biagane agalime nogo hosini biruwa wai biyaguabi wayali naholebira. l
Hosi uruninaga hongo gibi ha kagome agali pele mia nabulebira.

18Anduane Homogohanda wali agali ibugua bia ledadagua hale halu biaga karu
ibunime bayuwa de handayaho ka.
Ibugua ti gubalini haho wiaabo haga ka manda buwa
ibuhondo mini mbiraorewu karu
ibugua mamage halu handayaho haga ka. m
 19Wali agali urunibi karu homolilono n
ibugua ti pele miaga ka.
Hina gari timbuni porangi
ti tomo karulape nalu helo mulebira.

20Iname Anduane Homogoha hana howa o
ibuni mini dunu bia ho kamagoni.
Inanaga pabe tigibi ina biamogo biagabi
Anduane Homogo ibuni hangu kagoni.
 21Ibu kagome ina ibuha hanaho howa
turuho baya kamagoni.
Ibunaga mini baya buruguleore hongohe ngagoria
ina hanaho kamagoni.

22Anduane Homogo-o ina í̠ni mini dunu bia ho kamagonigo
í̠na ina gubalini haho wiaaboore habelo hamelo kama.
Copyright information for HUI