Rev 1 | HUI | STEP | Bi moana ala pani nahe winigo Yasu Kerisohanda mo pani hayago mo mogo buwa mbuga ogoniha gilibu ngagoni. Mo pani holene ogoni Yasuhanda ibunaga biabe bia haga karuhondo mbirale tara tara abaleore bulebiraru walia helo Ngode Datagaliwabehanda Yasuhondo mini. Kerisohanda mbirale uruni dahuliyali mbiralihondo, Bi ogoni i̱naga biabe bia haga Yonehondo lamule pu, layagola ibuwa langiya.

a 1.1Dan 2.28-29, Yo 3.32, 12.49, Mo 1.19, 4.1, 22.6, 22.16

b 1.21 Ko 1.6, 1 Yo 1.1, Mo 6.9

c 1.3Lg 11.28, Ya 5.8, 1 Pi 4.7, Mo 22.7, 22.10

d 1.4Har 3.14-15, Seg 3.9, Yo 1.1, Mo 1.8, 3.1, 4.5, 4.8, 5.6, 11.17, 16.5

e 1.5Iba 89.27, Ais 55.4, Yo 15.9, 18.37, Eb 1.20, Kl 1.18, 1 Ti 6.13, Hi 9.14, 1 Yo 1.7, 4.10, Mo 3.14, 17.14

f 1.6Har 19.6, 1 Ti 6.16, Hi 13.21, 1 Pi 2.5, 2.9, Mo 5.10, 20.6

g 1.7Dan 7.13, Seg 12.10, Md 24.30, Mg 13.26, Lg 21.27, Yo 19.34, 19.37, Ab 1.11, 1 Te 4.17

h 1.8Har 3.14, Mo 1.4, 1.17, 4.8, 11.17, 15.3, 21.6, 22.13

i 1.9Pb 1.7, 2 Ti 1.8, 2.12, Mo 6.9

j 1.10Yo 20.26, Ab 10.10, 2 Ko 12.2, Mo 4.1-2

k 1.12Har 25.37, Seg 4.2, Mo 1.20

l 1.13Ese 1.26, Dan 7.13, 10.5, Mo 15.6

m 1.14Dan 7.9, Mo 2.18, 14.2, 19.12

n 1.14-15Dan 10.6

o 1.15Ese 1.24, 43.2, Mo 14.2

p 1.16Eb 6.17, Hi 4.12, Mo 1.20, 2.1, 2.12, 2.16, 3.1, 19.15, 19.21

q 1.17Ais 41.4, 44.6, 48.12, Ese 1.28, Dan 8.18, 10.10, Mo 2.8, 22.13

r 1.18Iba 68.20, Lm 6.9, Mo 4.9, 5.14

s 1.19Mo 1.1, 1.11, 2.1, 4.1

t 1.20Seg 4.2, Pb 2.15, Mo 1.12, 1.16, 2.1, 3.1

‏ Revelation of John 1

1 Bi moana ala pani nahe winigo Yasu Kerisohanda mo pani hayago mo mogo buwa mbuga ogoniha gilibu ngagoni. Mo pani holene ogoni Yasuhanda ibunaga biabe bia haga karuhondo mbirale tara tara abaleore bulebiraru walia helo Ngode Datagaliwabehanda Yasuhondo mini. Kerisohanda mbirale uruni dahuliyali mbiralihondo, Bi ogoni i̱naga biabe bia haga Yonehondo lamule pu, layagola ibuwa langiya. ^a 2 Yone i̱na handarudagua bibahende langiai halu Ngode Datagaliwabeha howa bi ogoni ibinigobi Yasu Keriso ibugua bi mana ogoni mo pani henegobi i̱ Yone i̱na handarudagua bibahendeore langiai halu gilibu wirugo nga. ^b 3 Bi ogo daga lararumebi mani bulebiragonaga bi o lo ngadagua daga lowa hale halu yu tiga birarumebi turu hai holebira. Mbirale tara tara uruni bibahende lola hai holene kawareore nga. ^c

Esia dindiha tano kariani Keriso hameigini hearuhondo Yonehanda bi gilibu wia henego ogo

4 Esia dindiha tano kariani Keriso hameigini kamiruhondo Yone i̱na bi ogo gilibu wia haro. ^d

Ngode Datagaliwabe áyu kagobi bamba henegobi mani holebiragobi ibugua biamogo bulene nawi howa biamogo bia holenebi mo palia holenebi tíhondo ngilo hamelo ko. Ngode Datagaliwabenaga handame ho biragane dagia ngagonaga wanakuihayagi dinini karia karu tigua biamogo bulene nawi howa biamogo bia holenebi mo palia holenebi tíhondo ngilo hamelo ko. 5 Yasu Keriso ibu walia hagane mini bilinahe howabi homalu pigane mo heya henegobi dindi bibahendeni kini karunaga haguane kagobi ibugua biamogo bulene nawi howa biamogo bia holenebi mo palia holenebi tíhondo ngilo hamelo ko. ^e

Ko inane birimagome ina dariba henego hemaria Yasu ibunaga gubalini holeneme ina gubalini halu ibugua homo aribia hayagome ina golope hene. 6 Ani buwa ina Ngode Datagaliwabehanda handame ho kagoria howa Keriso ibu Aba Ngode Datagaliwabenaga biabe bia haga holoma̱ya ibugua inaloma binigo mo miaga mo hela henego kama. Mini yaraga holenebi hongo holenebi Yasu Keriso ibunaga wia dege bidane wia ho wilo hamelo ko. Aniore bilo laro. ^f

7 Yasu ibu beralibani ibirago de handadaba. Ibirago ina kamarubi bamba ibu yandareme nogoba hayarumebi ina bibahendeme ibu de hondoleberama. Dindi bibahendeni wali agali kamarume ibu mitangi bialu dara howa dugu biai holeberama. Aniore buleberama. ^g

8 Anduane Homogo Ngode Datagaliwabe Hongo Haiheore kagobi bambaore haabo henegobi mani ha ho wiaabo holebiragobi ibugua lalu, I̱ piganeorebi mahaorebi kogoni, lalu ka. ^h

Yonehanda de gandeba handalu Keriso hendenego ogo

9 I̱ tínaga hamene mbalini Yone kogoni. I̱ Yasu talima piaga kogoni howa tí heba mandagi Ngode Datagaliwabehanda Handame Ho Kagoria kamagome ina ema nabi hibulo howa tandaga nalu hongo ho haabo kamagoni. Ngode Datagaliwabehanda bi lo winigobi Yasuhanda bi mana henene walia hayagobi i̱na lamialu hewaria tigua i̱ minuwa dindi emene Padamoso iba dege dombeneha wiagoria garabaya bu helaya. ⁱ 10 Ani bu helayagola hewaria Anduane Homogonaga horo hayangi Ngode Datagaliwabe Dinini ibu i̱ha karula haya. Ani karula hayagola bi mbira dalimu mbelo biguli ale i̱ erembirahayagi howa layuagola hale haru. ^j 11 Hale halu hewaria bi layuagome lalu, Í̠na deme handareru mbugani gili bibe. Gili buwa Keriso hameigini tano karia Ebesabi Simenabi Pegamamubi Taiadirabi Sadisibi Piladelebiabi Leodisiabi uruniha karuhondo gilibu pelabe, laya.

12 I̱hondo bi layuago aiwa layadabe hondole beregedaru. Beregedowa handalu hewaria lamu hale irane karia ngolome wabini wiaria handaru. ^k 13 Ani handalu hewaria lamu hale wiagane wiagoha mbirali agali handalehe hearia handaru. Ibu aga luniore geni bia hanahebi nogo dongone ngolome wabinigo galuhombeneni wuwabi hea. ^l 14 Ibunaga mandari pewele nogo sibi iri alebi beraliba handalehebi ibunaga de ira hungu handalehebi ^{m
,} ⁿ 15 ibunaga ge ege to̱le̱ boronosi demborere biaga handalehebi hea. Ibunaga bi iba pugu laragola u lagadagua layuagola hale haru. ^o 16 Ibunaga gi tigame yakundi karia yu hearia handaru. Handalu hewaria wai biagane ayu tibu mbira nene kiroba gadeleore ibunaga ne harigaha howa tagira ibiyaria handaru. Ibunaga dengui ni hanuni ha daraligobi hearia handaru. Uruni bibahende ibuni hearia handai haru. ^p 17 Ani hondowa gi howa mogo lalu ibunaga geha i̱ pilope howa homene ale ho wiruya. Ani buwa ibugua ibunaga gi tigame i̱ni wialu howa lalu, Gi nahabe. I̱ pigane henegobi maha holeberogobi kogoni. ^q 18 I̱ holenehe kogoni. I̱ ala homarugo ai áyu i̱ ha ho wiaabo hole ko. Homaganenagabi humbirini andanagabi bibahende i̱ninaga hongome haru haabo kogoni. ^r 19 Anigo mbirale bibahende hendederuni gili biai habe. Mbirale áyu íbu ngarubi mbirale maninaga wulebirarubi í̠na gili biai habe. ^s 20 Ai yakundi karia i̱naga gi tigame yidone hendedegobi lamu hale wiagane ngolome wabinigo karia ngaru hendedegobi uruninaga galone wia do hene ngago i̱na lapani harogo ogo. Yakundi karia uruni ti Keriso hameigini tano kariani biarunaga dahuliyali karia ka. Lamu hale wiagane karia biaruni Keriso hameigini tano kariani karu tini ka. ^t