Rev 22 | HUI | STEP | Uruni walia howa dahuliyali biagome lone walia halu haabo holene ngiagane iba ngalayi ngiringara laradaguabi mbira Ngode Datagaliwabebi Nogo Sibi Igini biagobinaga handame ho biragane dagia ngagoria howa tagira ibalu

a 22.1Ese 47.1, Seg 14.8

b 22.2Pig 2.9, Ese 47.12, Yol 3.18, Seg 14.8, Mo 2.7, 21.24, 22.14, 22.19

c 22.3Ese 48.35, Seg 14.11, Stt 3.17, Mo 7.15

d 22.4Iba 42.2, Md 5.8, 1 Ko 13.12, 1 Yo 3.2, Mo 3.12, 14.1

e 22.5Ais 60.19, Dan 7.18, 7.27, 2 Ti 2.12, Mo 5.10, 20.6, 21.23-25

f 22.6Mo 1.1, 19.9, 21.5

g 22.7Mo 1.3, 3.11, 22.10-12, 22.20

h 22.8Mo 19.10

i 22.10Dan 8.26, 12.4, 12.9, Mo 1.3, 10.4

j 22.11Ese 3.27, Dan 12.10, 2 Ti 3.13

k 22.12Iba 28.4, Ais 40.10, 62.11, Yar 17.10, Lm 2.6, 14.12, 2 Ko 11.15, Mo 2.16, 2.23, 20.12

l 22.13Ais 44.6, 48.12, Mo 1.8, 1.17, 2.8, 21.6

m 22.14Pig 2.9, 3.22, 1 Yo 3.24, Mo 7.14, 21.27, 22.2

n 22.15Ga 5.19-21, Pb 3.2, Kl 3.6, Mo 21.8

o 22.16Dag 24.17, Ais 11.1, 11.10, Seg 6.12, Lm 1.3, 2 Pi 1.19, Mo 2.28, 5.5

p 22.17Iba 8.14, Ais 55.1, Yo 7.37, Mo 21.2, 21.6, 21.9

q 22.18Mo 15.1, 15.6

r 22.18-19Man 4.2, 12.32

s 22.19Iba 69.28, Mo 13.8, 22.2

t 22.20Md 16.27, 1 Ko 16.22, Mo 22.7, 22.12

u 22.21Lm 16.20, 16.24, 2 Te 3.18

‏ Revelation of John 22

1 Uruni walia howa dahuliyali biagome lone walia halu haabo holene ngiagane iba ngalayi ngiringara laradaguabi mbira Ngode Datagaliwabebi Nogo Sibi Igini biagobinaga handame ho biragane dagia ngagoria howa tagira ibalu ^a 2 tano ogoninaga hama hanunini pialu heago walia haya. Haabo holene ngiagane iba biago ange mendeha mendehabi haabo holene ngiagane ira hea. Ira uruninaga lini mali mbiranaga ege mbira mbirani hombe (12) halu daga biagaya. Aniyago ira uruni yunirume wali agali dindi tara tarani bu karu mo dabi hagane hea. ^b 3 Mbirale bibahende Ngode Datagaliwabehanda ha hene karubi ngarubi tano ogoriani nahondolebiraore. ^c

Ngode Datagaliwabebi Nogo Sibi Igini biagobi libunaga handame ho biragane dagia wiago tano ogoriani wiragola Ngode Datagaliwabenaga biabe bia haga karume ibuhondo mitangi bialu lotu lolebira. 4 Wali agali uruni tinaga wanakuini Ngode Datagaliwabenaga mini gilibi howa tigua ibunaga dengui hondolebira. ^d 5 Anduane Homogo Ngode Datagaliwabe ibu tinaga wá holene holebirago mbi lalu aruma holene nawiragola tigua lamu hale delolenebi ni dolenebi nawulebira. Ani biragola wali agali uruni kinime haru hagadagua tigua ogonibi howa ha ho wia dege bidane ha ho wiaabobo holebira. ^e

Yasu ibu dai bulebirago ogo

6 Dahuliyali biagome i̱hondo lalu, Bi uruni henene lara manda buwa mini dunubia ho holene nga. Ani bidago Anduane Homogo Ngode Datagaliwabe ibunaga manalatagi haga biaruhondo ibu Dinini miaga kago ibugua ibunaga biabe bia haga karu mbirale mbira áyu dege bulebiragonaga walia hole ibunaga dahuliyali mbira, Pu, laya, lalu laya. ^f

7 Yasuhanda lalu, Ai hale ha. I̱ áyu ogoni dege ibulebero. Ani ibuleberogo wali agali mbuga ogoniha mbirale mani bulebiragonaga gilibu ngarume laradagua bialu karu ti turu ho holene nga, lalu laya. ^g

8 I̱ Yone kogo i̱na mbirale uruni bibahende halebi halu handabi bialu biru. I̱na uruni bibahende halebi hale hai halu handabi handai howa dahuliyali i̱hondo mbirale o walia haga biago ibunaga geha duli hanga halu bulu paluwa ibuhondo mitangi bialu lotu lolebiruria ^h 9 ibugua i̱hondo lalu, Ani nabibe. I̱ í̠bi í̠ hamene mbalini Ngode Datagaliwabe mana latagi haga biarubi wali agali bibahende mbuga ogoriani bi mana gilibu ngarume laradagua bialu karubi ina mandagi howa biabe bia haga kogoni. Ani bidogo í̠na Ngode Datagaliwabe hangu mitangi bialu lotu lolene nga, lalu laya. 10 Ani lowa ibugua la dege bialu lalu, Mbuga ogoniha mani bulebiragonaga bi lo ngaru bulene horo kaware harago wia do nahabe. ⁱ 11 Anigo mbirali ko bialu kago ibu ko bialu haabo holene nga. Mbirali ibunaga miniha ko ngubiru mitangi biaga kago ibunaga miniha ko ngubi uruni mitangi bialu haabo holene nga. Mbirali bayale bialu kago ibu bayale bialu haabo holene nga. Ai mbirali Ngode Datagaliwabehondo loma bia hene kago ibu ibu loma bia ho wiaabo holene nga, lalu laya. ^j

12 Ani leagola Yasuhanda lalu, Ai hale ha. I̱ áyu ogoni dege ibulebero. Ibalu wali agali ti hangu hangume biabe biyadagua emenaru mule yalu ibulebero. ^k 13 I̱ ala harugobi mani holeberogobi piganeorebi mahaorebi ko, lalu laya. ^l

14 Wali agali tinaga aga labolaboru dodo nahelo wayawaya biaga karume ti haabo holene ngiagane iranaga lini nolebi tano biagonaga panga haraba ngagoria bolangua halu anda polebi hongo yu ka. Ani bidaru ti turu ho holene nga. ^m 15 Anigo tano ogoni tagirahayagi wali agali mana ko taraore biagarubi tomia tara tara biagarubi wali agali kayu biagarubi wali agali homelo bo wahagarubi gime wabiniruhondo bi pupu wiagarubi ke̱ halu bime lalubi biagaru ti tagiraha ka. ⁿ

16 Yasuhanda lalu, I̱ Yasu i̱na i̱naga dahuliyali mbirame mana uruni i̱naga hameigini tano kariani kamiruhondo lope hole pu, laru. I̱ Debidinaga aguanene kogoni. I̱ yakundi egabi naledaha huririle tagira ibaganego kogoni, lalu laya. ^o

17 Ngode Datagaliwabe Dinini ibubi Nogo Sibi Igini biagonaga wandari dabu bulebiyagobi libugua lalu, Íbu, lara. ^p

Wali agali bibahende bi uruni hale hararumebi, Íbu, lolene nga.

Mbirali iba noa ho kego íbu. Haabo holene ngiagane iba Ngode Datagaliwabehanda bame ngirago noa ho kagome nole ibulene nga.

Bi lamaronaga ogo

18 Ai i̱ Yonego i̱na mbirale mani bulebirarunaga mbiwia halu mbuga ogoriani gilibu ngago wali agali hale halu biraruhondo bi ogo hongo howa lowia haro. Bi ogoni lo ngagoha mbiralime latago hayagua ibuhondo Ngode Datagaliwabehanda bolene hongo mbuga ogoha lo ngadagua pani miatago holebira. ^{q
,} ^r 19 Ani bialu bi ogoni mbiwia halu lowini ngarunaga mbiralime mbira mo wahayagua haabo holene ngiagane iranaga linibi Tano Loma Bia Hene biagobi mbuga ogoha lo ngadagua Ngode Datagaliwabehanda ogoni ibunaga mbirale mulene talebu winigo mo waholebira. ^s

20 Bi uruni bibahende ngaru, Heneneore nga, lalu walia haga kago ibugua lalu, E̱ heneneore i̱ áyu ogoni dege ibulebero, laya. ^t

Aniore bialu Anduane Homogo Yasu íbu. 21 Anduane Homogo Yasunaga biamogo bia holene tí bibahendeha helo hamelo ko, lalu Yonehanda gili bini. ^u