Gen 36:31-43 | HilAPD | STEP | Amo ini sila ang mga hari sang Edom sang panahon nga wala pa sang mga hari ang mga Israelinhon:

Genesis 36:31-43

Ang mga Hari sang Edom

(1 Cro. 1:43-54)

31 Amo ini sila ang mga hari sang Edom sang panahon nga wala pa sang mga hari ang mga Israelinhon:

32 Si Bela nga taga-Dinhaba nga anak ni Beor nangin hari sa Edom.

33 Pagkapatay niya, ginbuslan siya ni Jobab nga anak ni Zera nga taga-Bozra.

34 Pagkapatay ni Jobab, ginbuslan siya ni Husham nga taga-Teman.

35 Pagkapatay ni Husham, ginbuslan siya ni Hadad nga taga-Avit nga anak ni Bedad. Si Hadad ang nakapierdi sa mga Midianhon didto sa Moab.

36 Pagkapatay ni Hadad, ginbuslan siya ni Samla nga taga-Masreka.

37 Pagkapatay ni Samla, ginbuslan siya ni Shaul nga taga-Rehobot nga malapit sa Suba sang Euphrates.

38 Pagkapatay ni Shaul, ginbuslan siya ni Baal Hanan nga anak ni Acbor.

39 Pagkapatay ni Baal Hanan, ginbuslan siya ni Hadar nga taga-Pau. Ang iya asawa si Mehetabel nga anak ni Matred kag apo ni Mezahab.

40 – 41 – 42 – 43 ^{▼▼The text of verses 40-Gen 36:43 has been merged.}Si Esau (nga gintawag man nga Edom) amo ang ginhalinan sang mga Edomnon. Kag amo ini sila ang nangin pangulo sa mga kaliwat ni Esau nga ang ila mga tribo kag lugar ginpangalanan sa ila: Timna, Alva, Jetet, Oholibama, Elah, Pinon, Kenaz, Teman, Mibzar, Magdiel, kag Iram.