Psalms 124
Ang Dios Manugprotektar sang Iya Katawhan
Ang kanta samtang nagapasaka. Ginsulat ni David.
1Kon wala magdampig ang Ginoo sa aton, ano ayhan ang natabo?Magsabat kamo mga taga-Israel!
2“Kon wala magdampig ang Ginoo sa aton sang ginsalakay kita sang mga tawo,
3ginpatay na kuntani nila kita sa ila puwerte nga kaakig sa aton.
4– 5Daw pareho lang kuntani nga gin-anod kita sang baha kag gintabunan sang mabaskog nga tubig.
6Dalayawon ang Ginoo, kay wala siya magtugot nga laglagon kita sang aton mga kaaway
nga pareho sa mapintas nga mga sapat.
7Nakapalagyo kita pareho sa pispis nga nakabuhi sa siod nga naguba.
8Ang aton bulig nagahalin sa Ginoo nga naghimo sang kalangitan kag sang kalibutan.”
Copyright information for
HilAPD