Psa 142 | HilAPD | STEP | Ang maskil nga ginsulat ni David sang didto siya sa kuweba. Isa ini ka pangamuyo. Nagapanawag ako sing mabaskog sa imo, Ginoo . Nagapangamuyo ako nga kaluoyan mo ako.

‏ Psalms 142

Pangamuyo para sa Bulig sang Dios

Ang maskil ^{▼▼maskil: Posible ini nga pulong may kaangtanan sa musika ukon sa estilo sang pagsulat.} nga ginsulat ni David sang didto siya sa kuweba. Isa ini ka pangamuyo.

1 Nagapanawag ako sing mabaskog sa imo, Ginoo.
Nagapangamuyo ako nga kaluoyan mo ako.
2 Ginasugid ko sa imo ang akon mga reklamo kag mga kalisod.
3 Kon nadulaan ako sang paglaom, ara ka nga nagabantay sa mga nagakalatabo sa akon.
Sa akon alagyan may siod nga ginbutang ang akon mga kaaway para sa akon.
4 Tan-awa bala sa akon palibot, wala gid sing may nagabulig sa akon.
Wala sing may nagaprotektar kag nagakabalaka sa akon.
5 Nagapanawag ako sa imo, Ginoo;
ikaw ang akon manugprotektar,
ikaw lang gid ang akon kinahanglan diri sa kalibutan.
6 Pamatii ang akon pagpangayo sang bulig,
kay wala na gid ako sing may mahimo.
Luwasa ako sa mga nagahingabot sa akon,
kay makusog sila para sa akon.
7 Hilwaya ako sa pagkapriso
para madayaw ko ikaw.
Dayon magatipon sa akon ang mga matarong
tungod kay maayo ka sa akon.

‏ Psalms 142

Pangamuyo para sa Bulig sang Dios

Ang maskil ▼▼maskil: Posible ini nga pulong may kaangtanan sa musika ukon sa estilo sang pagsulat. nga ginsulat ni David sang didto siya sa kuweba. Isa ini ka pangamuyo.

Ang maskil ^{▼▼maskil: Posible ini nga pulong may kaangtanan sa musika ukon sa estilo sang pagsulat.} nga ginsulat ni David sang didto siya sa kuweba. Isa ini ka pangamuyo.