1Th 3 | HwoSC | STEP | Nanǝn kee mbang ngwa nan ƙǝrǝssa, ndan kamɗǝ a mal kanda a Atina katen nan.

1 Thessalonians 3

1 Nanǝn kee mbang ngwa nan ƙǝrǝssa, ndan kamɗǝ a mal kanda a Atina katen nan. 2 Thlǝn ɗan Timoti pashid tar nan yi pǝr Laɓar na Mbǝnggǝn a thlǝmad nun ɗǝ ka a fǝrang kaali nǝn kun ahu fǝr ƙǝkafekkid nun, 3 amana sǝsadɗi kyakhrang huten nun hai. Kun tafad nun sǝnɗunsǝ nǝm a tǝk sǝsaarha fa, 4 A sayidɗi nanan tǝ kun ˈwa ɗan pǝranggǝn kun tǝ ndaarha, nǝm a tǝk sǝsaarha fa. Tsauɗǝ kee ƙǝla sǝnnunsǝ. 5 Nanǝn kee, mbang ngwa ni ƙǝrǝssa, ndǝn thlǝn ni Timoti a sǝk laɓar fǝr ƙǝkafekkid nun ni. Tǝrǝm ɗi nǝn ɗǝ narha tǝ thlǝrɓudɗi, Sheetan huk ɗǝ kun , tsauka tar nan mere. 6 Amma nanǝnya wudna Timoti a thlǝmad nan ɓa ɓang ɗǝ laɓaara kan ɓa na mbǝnggǝn aten fǝr ƙǝkafekkid nun tǝ nggǝm ndan. Nggǝrghǝn ndang nda kan nuwun a ɗal teena hai tǝ kan ƙǝtsar, tǝ ƙǝm nǝghǝn a kukwasang kun fa a na kan nan ƙǝla na mid nan ƙǝm a na kun nan. 7 Nanǝn kee shayina, a hu sǝsad nǝm tǝ ƙǝtǝllǝ nǝm fa wal ɗǝm kaali ƙǝsǝr ish ɗun ngga hu fǝr ƙǝkafekkid nun. 8 Nanǝnya nǝm a nggǝr chik wal shembe tsaunǝn ish ɗun ngga hu Chinǝm. 9 Tur yanggi usaayi nan a ǝnang nda Faara ka kun, ka wutsǝfayirha nanǝm tǝghǝn aten yinǝm Faara ka kun? 10 Nda yanfara tǝ fǝɗikrha nan naarha hwan Faara na a nggǝrghan na kun na a ɗang nggan kun sǝ tǝna fǝrƙǝkafekkid nun chikrha. 11 Ngwa tangsangga Faara na Chinɗi tǝ Chinǝm Yeeso kwamana ɗǝ na a ɗan wal kun. 12 Ngwa chighangga Chinǝm hur nggǝm ndan kun tǝ fiya heu ƙǝla nanan tǝghǝn a kun. 13 A fǝrangga Chinǝm ƙǝrǝssa kun, tǝnun narha chahal kula ǝn ˈyaara a mbed Faara na Chinɗi. Ngwa tsauka kee a sayidɗi na Chinǝm Yeeso a wutta ɓa tǝ nafiyighǝn heu na chahal.