Mar 13:14-23 | HwoSC | STEP | “Na sayi ɓayi ɓanun naa ‘Ən tsangya na ɓarha ɓa tǝ ndǝkrha hai’ ƙǝt a mbǝrha kamngwa wa. Tǝrgha fingya na a Yahudiya a ɗaarha wumngya sǝ.

Mark 13:14-23

14 “Na sayi ɓayi ɓanun naa ‘Ən tsangya na ɓarha ɓa tǝ ndǝkrha hai’ ƙǝt a mbǝrha kamngwa wa. Tǝrgha fingya na a Yahudiya a ɗaarha wumngya sǝ. 15 Niifa na aten ƙǝnna mbǝ tǝraa hai kyagha ƙǝnɗǝ ka a ngwagha fa wa. 16 Niifa na a hee a wudɗǝ ndaagha ɗǝnǝn tǝrang kootodghǝn wa. 17 Kawa ma nishya na ahur tǝ fingya na tǝ waaya ƙǝsǝr a faryiniya! 18 Hwanama Faara a katǝra ɗa hai ahu mbiirha wa. 19 Ƙǝsǝr na sǝsaarha a naarha sǝ kaan ˈwawanda ǝnaarha, ka ǝnana Faara ƙǝshiirha ta hu sayidɗa ɓa ya. Tǝ ƙǝm mba nda nggǝr ǝna turghǝn wa. 20 A mbǝnana Faara thleng ɓengginiya wa, mbǝ niifa sǝ na takh tǝ yibrha wa. Amma ƙǝsǝr ka nafiyighǝn na wuwura, ndǝn tsang nǝn ɓenggini hwas. 21 A sayidɗiya a ndon niifa, ‘Kulo Almasihu ya,’ nduwa ‘Kulo ndǝghǝn taarha,’ a kangna thlǝmaarha fa wa. 22 Ƙǝsǝr na fa nggaɓaya Almasihu sǝ tǝ annabiya na a thliirha sǝ ǝna ǝnwuteengya nda ka a sakhɗangganda fiya, a naɗasǝ ma tǝ fingya na wuwura yi Faara. 23 Nanǝn kee, kwarama ƙǝsǝr ˈwaɗi teena pǝrangɗi ndǝn kun.