Mark 15:21-32
Tawang nda Yeeso ɗǝ
(Matta 27:32-44; Luka 23:26-43; Yahaya 19:17-27)
21Na nanda a wiirha tǝ Yeeso ƙǝma nda tǝ niifa na nda aarha Siman tǝ Sarirarha chin nda Alizanda tǝ Rufus, ɓaghǝn ɓa a Sarin. Ngyaɓang tǝr kaɗid ɗa nda fa. 22Ɓa nda tǝ Yeeso a mbǝrha ɓa na nda aarha Nggolggota ndǝna mbǝd ɓalhwar teena. 23Fǝrang aam inabi nda kukurɗa tǝ mur, ▼▼Mur: Ɗǝf saarha ni na thlahang hatta fad niifa ɗǝ
amma karɗǝ saarha fa. 24Tǝrgha tawangganda Yeeso ɗǝ ndǝghangganda karidghǝn hai a pathlang ndan, Əna chacha nda aten lukkighǝn tǝ kurmi na niifa a waala. 25Tawangganda ɗǝ tǝ tsar fa. 26A man tenggǝn chireethleng ngganda ǝnɗa hai ɗahang nanda fa, “KUTƏR YAHUDAYA.” 27Tawang ngganda fathlee kwamangya fa ɗǝ sǝri, tal a yikawadghǝn, tal ƙǝm a yisǝmadghǝn. ▼▼Ish 53.12 Fingya chirethya yi kaar na nda tǝ mbǝdghǝn 28 tǝ ndaagha: “Lǝghǝtta palthɗa ni tǝ ndaagha, ‘Saghang nda a hur fa ɗimiya hai.’”
28– 29Fiya na a mbǝraɗǝ na nda a thlǝghang pathya fa yi sar farha na nda a tsangˈya tendan fa na nda a waaghǝn, “Sa ndaagha na fǝlang Ƙǝn Faara hai na manggǝn tǝnangga hu ɓeena mahan, c 30Hǝrghang fadwa lee tǝraa na hai aten kaɗidɗiya!” 31Nǝghǝn kee ƙǝm, mamngya firistaya tǝ famalǝmngya ngyakhrha na nda a waaghǝn, “Hǝrghanggǝn fingya, amma mbǝ mbang hǝrghang fadghǝn wa! 32Ngwa na Almasihu ɗa nǝm kutǝr Isǝrela, tǝrgha hai a ten kaɗidɗi naghǝnǝm tǝnǝm fǝrang ƙǝkafek!” Ko fathlee kwamanggini tawang nanda kanda ɗǝ tǝghǝn na nda a thlǝghang pathya fa mbuwa mbǝnggǝn.
Copyright information for
HwoSC