Mat 10:5-15 | HwoSC | STEP | Thlǝngga Yeeso kum kap sǝri ɗi ndanggǝn kanda, “A ɗuɗun thlǝmad fingya ɗǝ mbuwagha Yahudaya, nduwa talya Samariyaya wa.

Matthew 10:5-15

Thlǝn Yeeso kum kap sǝri ɗi

(Markus 6:7-13; Luka 9:1-6)

5 Thlǝngga Yeeso kum kap sǝri ɗi ndanggǝn kanda, “A ɗuɗun thlǝmad fingya ɗǝ mbuwagha Yahudaya, nduwa talya Samariyaya wa. 6 Amma ɗaama thlǝmad nafiya Isǝreela ɗǝ, chauraya Faara sahadgha. 7 Ɗaamaɗǝ ɗun ndangnda kanda nduwus Kutǝryid Faara ɓa. 8 Ƙǝnaman haya, thleeman mǝrya sǝ, ƙǝnaman fingya natǝ wanhad termeerha fa, kyaman ǝnkaheeya sǝ. Fǝrang nggandan kun ka, kun ƙǝm fǝramadghǝn ka ƙǝla thlǝnun ndǝn! 9 A ƙǝsɗun wuɗǝɓǝla ha hu panjakwan nun wa, ko tǝfaasa, nduwa wurirha, nduwa kala ˈya na ƙǝla wuɗǝɓǝla wa. 10 A ƙǝsɗun yawarha ha tǝ lukrha tǝ pakhma, nduwa sǝsaala wa. Kala ˈya fǝrang nanda kun a karɗun ndǝn wa, ƙǝsǝr tǝtaara kamɗǝ a wal ǝnnarhami nǝn.

11 Kala wupǝri nduwa tala kyanun sahai, kaɗaama ka niifa tsawun a hur mindǝghǝn ta far ɗaɗǝ nun a mal talɗi. 12 A kyaɗun hur minda hai, ndaamaˈya tǝ ƙǝm fǝrang parka nun kanda. 13 Ana ka minda ni ngwa tsauka parkad nun sǝ. Amma a mbusǝ kee wa, ngwa wudgha parkad nun a fad nun ɓa. 14 Kala tala nduwa wure kyanun sahai, a thluwa nda kun fa wa, nduwa kar nda kang thlǝmaarha kun fa, anaɗun a wiirha paman tinid mbǝɗa ɗǝ na a fad sarnun. 15 Niya pǝrang ƙǝkafek kun, a far ngwa kumaarha a nggushi nda Sodom tǝ Nggomara na nda a haɗang kanda fa ma talɗi.