Matthew 22:41-46
Tsakh mee aten Almasihu
(Markus 12:35-37; Luka 20:41-44)
41Wumna Farisaya hai tsahangga Yeeso mee kanda, 42“Mani numad nun aten Almasihu? Wan wunni?” Ndang ngganda, “Wan Ndauda ni.” 43Nggǝrangga Yeeso kanda sǝ, “Ƙǝƙǝn na Ndauda tǝ sǝsǝmnda Sǝsǝna aaghǝn ‘Chinǝm’? Ƙǝsǝr ndagha Ndauda,44Ndangga Chinǝm yina China:
‘Tsawu a yisǝmanna,
ƙǝl a tsawangɗi fatsanggiwa
a kamu saryiwa. 45Ana Ndauda a aah Almasihu ‘Chinǝm,’ ƙǝƙǝn nǝn tsaurha wanggǝn?” 46Mbǝ niifa sǝ mbangga nggǝrang sǝ wa, ka farɗi mbǝ niifa sǝ ndengga yidghǝn nggǝrghǝn tsahang mee wa.
Copyright information for
HwoSC