Luk 18:35-43 | HwoSC | STEP | Ndusangna Yeeso Djariko fa, na kwamarha sǝ tsau a mii kwamana a hwanda.

Luke 18:35-43

Ƙǝnang Yeeso kwamarha tǝhwanda

35 Ndusangna Yeeso Djariko fa, na kwamarha sǝ tsau a mii kwamana a hwanda. 36 Sǝknǝn fad fiya hangga a mbǝraɗǝ, tsakh mee nǝn, ‘mani katǝragha hai?’ 37 Ndang ngganda, “Yeeso tǝ Nadzarat ndǝna a mbǝraɗǝ.”

38 Tǝranggǝn uradghǝn sǝ kaan, ndǝghǝn, “Yeeso, Wan Ndauda a haɗoyifa.”

39 Fingya na a mbee njarghǝnda a nggasgha hai. Amma nggǝrghǝn tǝrang uradghǝn sǝ kaan, ndǝghǝn, “Wan Ndauda a haɗoyifa!”

40 Ishgha Yeeso hai ndagha a ɓaa nda tǝghǝn thlǝmadghǝn ɓa. Nduwusnǝn ɓa tsahangga Yeeso mee, 41 “Mana midwa a ǝnoyi?” Nggǝmangga kwamadɗi, ndǝghǝn, “Paɓa, na minna sǝ a namanani hai.” 42 Ndangga Yeeso, “Yoo, no mana hai, fǝr ƙǝkafekkid wa ƙǝnoɗǝ.” 43 A mbǝɗi kee, namana nǝn hai mbu samad Yeeso nǝn, nagha a fal Faara. Fiya heu na nanda ǝnɗi katǝragha hai, fal Faara nda ƙǝm.