Luk 20:27-40 | HwoSC | STEP | Fingya Sadukiyaya, ndagha mbǝ thliirha sǝ hu mǝra wa, ɓaa nda thlǝmad Yeeso ɓa tǝ tsakh mee.

Luke 20:27-40

Tsakhmee aten thliirha sǝ ahu merra tǝ kakhrha

27 Fingya Sadukiyaya, ndagha mbǝ thliirha sǝ hu mǝra wa, ɓaa nda thlǝmad Yeeso ɓa tǝ tsakh mee. 28 Ndang ngganda, “Mala, Musa chireethleng ɗa ndǝn kan hai tǝ ndaarha, ‘A mǝr wanman niifa malɗǝ nukkun hai kula nggǝtta, na wanman tǝrangsǝ hu langaarha ka a nggǝɗanggǝn mǝrra wanman sǝ.’ 29 Nanǝn ya, na nafiya sǝ mǝd a wanmanggi. Tǝ pamǝnda kakhka mǝrgha kula wal wee. 30 Yi sǝri tǝranggǝn nuɗasǝ mǝrgha kula wal wee. 31 Yi mahan wai kee. Kanda na heu mǝd tǝrang nda nuɗasǝ mǝra nda kula nuɗi nggǝɗang kanda sǝ. 32 Akwasamadghǝn, nuɗi ƙǝm mǝrgha. 33 Nanǝnya, ahu thliirha sǝ ahu mǝrra na nuɗi tsaurha yi wun tsaunǝn kanda heu mǝd, tǝrang nda nuɗasǝ?”

34 Ndangga Yeeso kanda, “A hu ƙǝshiidɗi ya hǝshya a kakhrha, kanda a fǝr nishya a chimadɗǝ. 35 Amma nafiya kamngga a thlii nda sǝ hu mǝra tǝ ƙǝm tsawanda ahu ƙǝshiirha na ɓayi, hǝshya mba nda kakhrha wa, mba nda fǝr nishya a chimadɗǝ wa. 36 Kanda ƙǝm mba nda nggǝr mǝra wa, ƙǝsǝr na nda ƙǝla fa thlǝngya Faara. Kanda wangya Faara ni, tsaunǝn wangya thliirha ni sǝ hu mǝra. 37 Amma aten laɓar ɗǝfǝdɗi na ngguchit ƙǝsgha waarha, ko Musa ma kyadɗa ndǝn a pǝpal tǝ ndaarha, na thliirha sǝ ahu mǝra, ƙǝsǝr aaghǝn Chinǝm, ‘Faara yi Ibrahim, Faara yi Ishaku tǝ ƙǝm Faara yi Yakubu.’ 38 Mbǝ Faara ni yi mǝrya wa, amma yi fa yibya ni, ahu yighǝn kanda heu nanda tǝ yibrha.” 39 Fingya fasǝngya ngyakhrha ndang ngganda, “Mala, thlǝkna pathla ngga!” 40 A mbǝɗi, mbǝ niifasǝ nggǝrgha tsahang mee ɓalwa.