Matthew 15:1-9
Tsahad chichiiya ha
(Markus 7:1-13)
1Tǝrgha fingya Farisaya tǝ famalǝmngya ngyakhrha thliigha ɓa a Urshalima tsahang mee nda Yeeso, 2“Kama na fatsahayiwa hwasang ǝntin shingginǝm? Mba nda tsaɓang haryi ndan ɗǝ a hǝb ǝnnarhami nda wa!” 3Nggǝrangga Yeeso kanda sǝ, “Kama nun hwasang nda ǝngya ndaana Faara ka ǝntinggi nun? 4Ƙǝsǝr ndagha Faara, ‘Fǝrang mamnggirha nda muwa tǝ tsu’ tǝ ƙǝm ‘Kala niifa sargha man nduwa chin tǝtani a ɓǝlang ngganda.’ 5Amma nun tsaharha ha tǝ ndaarha ana ˈya sǝ a haar niifa na a ɗanggǝn chin sǝ nduwa man, nǝn ndaarha ˈya nun a kya waala a fanna ɗǝfang ɗi ndǝn Faara ɗǝ.’ 6Ahu kwamana kiya Mǝmǝlwa a fǝrang mamnggirha nǝn fa nggǝtyighǝn tǝghǝn wa. Nanǝn kee kar laɓar ɗanun fa ndaana Faara ka ǝntin nun. 7Kun fathǝrɓuya! Laɓar Faara ndaana Ishaya aten nun mǝmǝlni:8‘Nafiniya ahu mii ndan ni kee na nda fǝre mamnggirha,
amma huryi ndan nǝghǝn inggun ma nggi;
9ka ni kee na nda ɗǝfee shilee teena,
ƙǝsǝr ɗǝfang ngganda tsahad ngyakhkya fiya ha a mbee a meyed laɓar Faara.’” a
Copyright information for
HwoSC