Matthew 16:13-20
Fǝr Mbiturus ƙǝkafek Yeeso ndǝghǝnni Almasihu
(Markus 8:27-30; Luka 9:18-21)
13Ɓana Yeeso chehwed Kaisariya Filibi ɓa, tsahang mee nǝn fatsahayighǝn, “Na fiya a ndaarha wunni Wan Niifa?” 14Ndang ngganda, “Fingya a ndaarha Yahaya Tǝbaptisǝma, fingya Ilya, fingya ƙǝm Irmiya nduwa tal ahur annabiya.” 15Ndangga Yeeso kanda, “Amma kun wu nuwun a ndaarha wunni nggi?” 16Ndangga Mbiturus, “Sani Almasihu, Wan Faara natǝ yibrha ha.” 17Ndangga Yeeso, “Tǝ parka ni sa, Siman wan Yunana, mbǝ niifa ni thlǝwogha ǝnɗiya wa, amma Pǝpa ni na a talara. 18Niya ndorha sa Mbiturus, aten ferɗiya ndǝn niya tǝn ƙǝn hwan Faarna, mbuwana sǝsǝmnda hwanga mbang chang hai. 19Niya furo ǝncha kwatmingya yi Kutǝryid Talara. Kala ˈya ƙǝnang na hai ahu ƙǝshiirha nǝghǝn ƙǝƙǝna hai kee a talara, tǝ ƙǝm kala ˈya kwasang na hai hu ƙǝshiirha nǝghǝn kukwasa hai ƙǝm a talara.” 20Tǝrgha ƙǝs thlǝmad fatsahayighǝn nǝn a pǝrang ndan niifa ndǝghǝnni Almasihu wa.
Copyright information for
HwoSC