Matthew 4:1-11
Ƙǝƙǝrang Sheetan Yeeso
(Markus 1:12-13; Luka 4:1-13)
1Tǝrgha Sǝsǝna tǝ Peɗǝnda ɗǝgha tǝ Yeeso a kaheerha ɗǝ ka a ƙǝƙǝrangga sheetan. a 2Yeeso karɗǝ aama yi ɓeena kumnggit faɗa nda fǝɗigrha tǝ yan fara. Akwasamdghǝn ƙǝsgha miirha ndǝn. 3Tǝrgha sheetan ɓagha thlǝmadghǝn ɓa ndanggǝn, “Ana Wan Faara ni sa, tsawang feryini ya ka mburodi.” 4Amma nggǝmangga Yeeso ndanggǝn, “Nǝghǝn chichirethlee hai hu ɗeleewar Faara:‘Mbǝ tǝ mburodi kee na niifa ƙǝra sǝ wa,
amma tǝ laɓaara na kyarha ɓa a mii Faara.’ b” 5Tǝrgha sheetan tǝranggǝn Urshelima ɗǝ wupǝri tǝ Peɗǝnda, tǝranggǝn ten Ƙǝn Faara sǝ na a Urshelima. 6Ndanggǝn, “Ana Wan Faara ni sa, puru hweeɗe hai, ƙǝsǝr nǝghǝn chichirethlee hai hu ɗeleewar Faara,
‘Nǝn a ndang fathlǝnggighǝn a nggawo wa nda sǝ,
tǝ haryindan na nda a nggawo sǝ,
amana ɗǝghang sarwa feera fa.’” 7Nggǝmangga Yeeso, “Nǝghǝn chichireethlee hai, ‘a ƙǝƙǝrangna Chinǝm Faarwa wa.’” c 8Nggǝrgha Sheetan tǝrang nda a ten wumnda sǝ na nzang kyaɗang kutǝryid ƙǝshiirha nǝn heu tǝ mamnggitghǝn. 9Ndanggǝn, “Ənggini heu ya niya furo ƙǝn, a ɓǝrna hai fǝree mamnggirha na.” 10Ndangga Yeeso, “Kalu kwamanna hai, Sheetan! Ƙǝsǝr nǝghǝn chichirethlee hai hu ɗeleewar Faara:
‘Tǝtani a ɗǝfang shilee na Chinǝm Faarwa in,
ndǝghǝn katenggǝn na fǝrang mamnggirha.’” 11Tǝrgha Sheetan mal Yeeso nǝn. Ɓagha fa thlǝngya Faara ɓa ƙǝlaghǝn ndaha.
Copyright information for
HwoSC