Jer 6 | JAE | STEP |

‏ Jeremiah 6

Juda to Jerusalem oc sênaŋa

16 Apômtau kêsôm biŋ tonec gebe

“Naakô intêna ŋatali ma alic
ma atu kênac intêna andaŋgeŋŋa
e atap intêna moasiŋŋa tau sa ma asa intêna tau,
go atap katôm ŋagamêŋ alêwaŋ taômŋa sa.
Mago êsêac sêsôm gebe ‘Aêac adec, oc asa intêna tonaŋ atom.’
17 Ma aê kakêŋ dibwaga gêdêŋ amac, tec sêsôm gebe
‘Aŋô dauc kêtaŋ.’
Mago êsêac sêsôm gebe ‘Aêac adec, oc aŋô atom.’
18 Kêtu tonaŋŋa amac tenteŋlatu aŋô
ma amac gôlôac, ajala gêŋ, taŋ êtap êsêac sa naŋ acgom.
19 O nom, ôŋô. Ôlic acgom, aê oc jakêŋ gêŋ sec,
taŋ kêtu êsêac sêkac tauŋ su ŋaŋanô naŋ, êpi êsêac
gebe êsêac sêkêŋ taŋeŋ ŋoc biŋ atom
ma têtiŋ ŋoc biŋsu su.
20 Êsêac sêkêŋ gêŋmalu aŋga gamêŋ Seba
ma gêŋ ŋakana aŋga gamêŋ jaêcsêga gêdêŋ aê kêtu ageŋŋa.
Amacnêm daja kêtôm gebe jakôc sa atom
ma amacnêm da ŋagêdô gêjac aê matocanô atom.
21 Tec Apômtau kêsôm biŋ tonec gebe
‘Alic acgom, aê jatoc poc sêndiŋ eŋkaiŋ êpiŋa êŋgôŋ
gebe lau tonec sêndiŋ eŋkaiŋ êpi e sembeŋ.
Tameŋi to latuŋi
ma nêŋ lau jabaŋ to nêŋ sêlêb oc sênaŋa samob.’”
22 Apômtau kêsôm biŋ tonec gebe

“Alic acgom, lau-m teŋ sêmêŋ aŋga gamêŋ nodoŋa
ma lau toŋ kapôêŋ teŋ dêdi aŋga nom ŋagamêŋ nodoŋa
ma lau toŋ kapôêŋ teŋ dêdi aŋga nom ŋagamêŋ jaêcsêgaŋa.
23 Êsêac sêkôc talam to kêm.
Êsêac lau wauc-wauctêna to taêŋ walô lau atom.
Êsêacnêŋ ŋakicsêa kêtôm gwêc kêgasim ŋakicsêa.
Êsêac sêŋgôŋ hos ŋaô ma sêsuŋ nêŋ laukasap sa
gebe sênac siŋ êndêŋ aôm, Sion latuo.”
24 Aêac taŋô biŋ tonec ŋawae,
tec lemeŋ kêtu goloŋ
ma nêŋ ŋalêlôm ŋatutuc kêsa,
ŋandaŋ kêtuŋ aêac amboac ŋapalê kêtuŋ awê teŋ.
25 Ana kôm atom, asêlêŋ amoa intêna atom
gebe ŋacjonê siŋ gebe enseŋ amac su
ma gêŋ ŋaclai sec êtakê amacŋa gêjam gamêŋ auc.
26 “O ŋoc lau latuŋio,* ôsô talu sa

“ ma ônsambi sa ônsac wao.
Ôpuc taŋiboa sa amboac ŋac teŋ, taŋ gêjam taê tau kêtu nê latu tageŋŋa.
Ôtaŋ ŋanôgeŋ
gebe ŋac-enseŋ-gêŋ-suwaga oc mêŋêpi aêac sep tageŋ.

27 “Aê kakêŋ aôm gebe ônsaê to ônam dôŋ ŋoc lau
gebe ôjala to ônsaê êsêacnêŋ lêŋ.
28 Êsêac samob sêli tauŋ sa togêsuŋtêkwa ŋatoŋgeŋ.
Êsêac sêjac laoc gamêŋgeŋ ma sêga biŋ kêpi lau.
Êsêac têtôm ki joŋjoŋ to ki jejec.
Êsêac samob sêgôm sec.
29 Êsêac sêguc ŋajaŋa sec gebe ja elom,
mago ki bobobgeŋ kêsa aŋga ja gêmêŋ. **
Êsêac sêgôm elêmê,
mago têtôm gebe têtiŋ lau sec su atom.
30 Sêsam lau sec gebe silberbôm, gebe Apômtau kêtiŋ êsêac su.” ^{▼▼ Ŋalô Ŋoc Lau Latuŋio kêkanôŋ malac Jerusalem.
,} ^{▼▼ Êsêac sebe sêpac silber êwê e êtu selec, mago têtap} silber sa atom, têtap ki bobobgeŋ sa, ma propete gêjam dôŋ lau sec kêpi ki bobob tau.