Psalms 113
PESALEM 113
Aweŋ êôc moasiŋ ŋatau Anôtô
1Aleluja.Apômtaunê sakiŋwaga amac,
alanem Apômtaunê ŋaê
2Aweŋ êôc Apômtaunê ŋaê
êndêŋ galoc ma ênêc endeŋ tôŋgeŋ.
3Aweŋ êôc Apômtaunê ŋaê
aŋga oc kêpi e êndêŋ oc kêsêp.
4Apômtau kêlêlêc tenteŋlatui samob su.
Ênê ŋawasi keleŋ undambê su.
5Asa oc êtôm Apomtau, aêacnêŋ Anôtô,
taŋ gêŋgôŋ nê lêpôŋ aŋga lôlôc naŋ.
6Ŋac tau naŋ gewec,
go katuc kêniŋ undambê to nom.
7Eŋ kêkam ŋalêlôm sawa aŋga kekop
ma gêôc ŋac kapô lênaŋa sa aŋga wao.
8Gebe etoc eŋ êŋgôŋ êwiŋ kasêga,
êŋgôŋ nabaŋ ênê launêŋ kasêga.
9Eŋ kêkêŋ awê kapoac gêwê kaiŋ andu
ma kêkêŋ eŋ kêkôc ŋapalê e têtac ŋajam kêsa laŋgwageŋ.
Aleluja.
Copyright information for
JAE