Psalms 121
PESALEM 121
Ŋac taŋ gejob Israel ŋaŋêŋ naŋ
1Aê gaôc matocanô sa kêpi lôc.Ŋoc ênam-aê-sawaga mêŋêsa aŋga ondoc.
2Apômtau taŋ kêkêŋ undambê to nom naŋ,
oc ênam aê sa.
3Eŋ oc êkêŋ amkaiŋ êka selelec atom.
Ŋac taŋ gejob aôm naŋ, ênac tuluc atom.
4Biŋŋanô, ŋac-gejob-Israelwaga
gêjac tuluc to gêc bêc atom.
5Apômtau kêtu nêm gejobwaga. Apômtau kêtu nêm ajuŋ,
taŋ lêmam anôŋa kêsô ŋalabu naŋ,
6gebe oc êpac aôm êndêŋ ocsalô atom,
ma ajôŋ êpô aôm êndêŋ êmbêc atom.
7Apômtau ejop aôm êndêŋ gêŋ sec samob,
eŋ gejob aôm katôm.
8Apômtau oc ejop aôm êndêŋ taŋ ôsa ôna ma ôsô ômôêŋ naŋ,
galoc ma endeŋ tôŋgeŋ.
Copyright information for
JAE