1 Corinthians 13
Yad ma miin
1Laana mi shaɓan kun i ging la ɓi ɓo la la ɓi ɓayak taktum la Koǝl, ama mi gha la yad ma maamiin ɗa, nggusum nggigyang ma ki zak kid nggalang, ko nggwam ma ki ɓo. 2Laana mi gha la nyap ma Koǝl pa ɓa ma gamban shaɓan kun li, la mi gamban pwanan ɓaal shap ɓa miin ɓa swaram pyang, na la ban daal gǝr pyang, la mak ɓaal maamiin ma gamban mak ɓi ɗing taal kwak, ama mi gha la yad maamiin ɗa, mi ba gǝrman na ɓa. 3Laana paam pyang gǝr ma mi gha la ya ɓi ɓoɓa tǝr, la ban pa yaɗa ɓe toon, ama mi gha la yad maamiin ɗa, sǝn kum gǝrmaan nga i muɗi ɓa. 4Yad maamiin nga na ban taɓaal, yad mamiin nga na ban pak ɓwaɗan gǝr. Yad maamiin ka ki pak buk ɓa, yi gha ki wal kun ki’il la, yi gha ki ɗap muɗi ɓa 5Yad mamiin nga ɓiin ban pa gul li ɓoɓaan ɗa, yi gha ki yad ▼ muɗi ngalang ba, yi gha kangar ban ɗab ɓaas sa, yi gha ki raam ɓiɓin gǝr ɓa a pak ɓi i ɓaali ɓa. 6Yad mamiin ɓi ki ɓinna ɓiɓǝn gǝr, ama ɓaali ɓi pupna la kun mamiin. 7Yad mamiin ɓi ki yun na njǝkyid a ɓaal koyab gǝr, yad mamiin ɓi ki yun na ban yak takkun a koyab mǝs, yad mamiin yi ki yun na ban mak ɓaal, gaan nga wal yad mamiin ɗa a koyab mǝs. 8Yad maamiin ka ki mal la. Ama kun ma a shap a mud kunla Koǝl ɓi ngaar ra, las ɓaan ɓi ɓwaran, ban daal kun ɗi malan. 9Lakunla daal gǝr la su ka tǝktǝk ɓa, pa la Koǝl ma ban shap kun li ka tǝktǝk ɓa. 10Ama a mǝs ma tǝktǝk ma na yum, gǝrma ka tǝktǝk ɓa ɓi ngingǝl ɓwaran. 11Ma mi yin mun na, shaɓan kun wa la mun na, rangas kun wa la mun na. Ama ma nggul she shik ban pak la mun. 12I tutumi su sǝnun koyab gǝr wa jijip na i ɓaal gǝr ma sǝn kun mus ma ka sǝn ban shangmi ɓa, i lib ma su sǝnun kun mus la kun mus. Tutumi ban daal laa sǝn wal kun yiɗi ɓa, i lib ma mi daal na shangmi, wama Koǝl daala gha. 13I mud wa, gǝr taat ɓi nǝ’ǝn ma bat-bat: yak kun maamiin, la mak ɓaal, la yad maamiin. Ama majiin la gǝr ɓa taat ɓi na yad maamiin.
Copyright information for
JgkSC