1 Corinthians 5
Ɓan nwang na maam ma ba luna ɓa
1Su waan kid ban nwang na maam ɓa ba lawun na ɓa, a ɓaal wun, har ɓomaan ɗi ki nwang na maam la tǝɗi, byal ma a sen ki sǝn ɗa, ko a ɓaal ɓoɓa sen daal Koǝl la. 2Pyang la wa, wun ki kaak mud wun! Sun ɓwadna ɓi ɓaal wun datta ra, har ɓi wun pit ndarak ɓo ma pak ɓyal kun ma mimi, i ɓaal ban raam lawun ɗara? 3Ko ma mi gha na wun na nggiɗa ɓa, ama ɓaala gha na wun. A ɓaal lwak Matadla Yeso, moor kasam nzu ɓi ɓoma pak kun ma mimi, wa mi gha na wun. 4Mes ma wun na raam ma mi gha na wun a ɓaal wuus, nyap la Matadla lasu Yeso kwad ka i bana, 5she wun paani ɓomi ɓi sheɗan, ko kana yid ɓo ma ɓi daɗan, yi kumun ban yak mud i mes la Matadla. 6Ban wal kun ki’il wun sǝn ɓwadta. Ki wun sǝn daal la na, mun yiis gap ɓi ki mwaɗan ɓaal burodi pyang ɓara? 7Purunni gǝ’ǝs yiis ma ɓiɓǝn gǝr, ɓi wun gus piip burodi gha, lakunla wun wona na. tun ma a kassam mula nzur ma nggom ma dal, yina Kristi. 8Lakunla wa, su waki pakni nggom ma dal ma, ba na burodi ma gǝ’ǝs yiis sa, yina yiis ma pina ɓaal na ndarak kun, ama na burodi ma yiis kaɓa, burodi maamiin, ma ka’an shangmi. 9Nyungal la ɓi wun i ɓaal nggup la na, gin wun pangat ni mudwun na ɓoɓa nwang na maam ɓa ba laya na ɓa. 10Ba mi shap kun mi a mud ɓoɓa munnza ɓa ya nwang na maam ɓa ba laya na ɓa, ba ɓa ngrǝm ngrǝm ɓa, ba ɓa pak nggip na ɓa, ba ɓa bil koǝl ɓaan na ɓa. Na wana na, rǝ’ǝm ɓi su ki’il ɓi su pur shik munnza nama. 11Ama nywangal li wun na, gin pangat ni mudwun na ɓoma a tungǝl li na, nyim na ma bil Yeso, ama yi ki nwang na maam ɓa ba li na ɓa, ma ngrǝm ngrǝm, ma bil koel ɓaan, ɓoma yi kas tak ban, ko ɓoma yi nu nggat, ɓoma pak nggip, gin li ni gǝr na byal ɓo ɓa ɓiɓi ɓa. 12Mana ɗaɓa na ban kas nzu i mud ɓoɓa ya ɓaal Ikkilisiya ɓa? Ba ɓoɓa ɓaal Ikkilisiya na wun kas nzu gha mud ya ra? 13Koǝl la kas nzu ɓi ɓoɓa ba lasu na ɓa. “Pid ni ndarak ɓo mi i ɓaal wun.”
Copyright information for
JgkSC