1Cor 8 | JgkSC | STEP | Amud gǝrliin ma a naat ti koǝl ɓaan, su daal lana, pyang lasu su daal la ɓaal kun. Ama ban daal kun ɓiyun na ɗaɓan mud, ban yadban mamiin ɓiyun na ban sǝn tak ɓi ɓo.

1 Corinthians 8

Gǝrliin ɓa a naat ti koǝl ɓaan

1 Amud gǝrliin ma a naat ti koǝl ɓaan, su daal lana, pyang lasu su daal la ɓaal kun. Ama ban daal kun ɓiyun na ɗaɓan mud, ban yadban mamiin ɓiyun na ban sǝn tak ɓi ɓo. 2 Ɓoma yi sǝn wo yi daal la gǝrman, yi sǝn daal gǝrma yaan ɓi daal kasa ɓa. 3 Ama ɓoma yad Koǝl, Koǝl daal layi. 4 Nakun la wana, amud gǝrlin ɓa a naat ti koǝl ɓaan, su daal lana, koǝl ɓaan ba gǝrman na ɓa, a ɓaal munnza mi, wana kwad, koǝl maan nga ɓa she Koǝl yi ɗik. 5 Ko kana gǝr ɓaan nga ma a tungǝl ya na “koǝl” ko i tak koǝl, ko i tak nzaal, na kunla ɓi koǝl ɓaan nga na ɓi Matadla ɓaan ɓa ɓǝlǝn, 6 pyang la wa, lasu kam Koǝl ɗik na, yina tad ma ko yab gǝr a munnza mi pur a bini, na kuli na su gha na ɓǝs a munnza mi, Matadla kwad ɗik na, yina Yeso Kristi, akab bini na koyab gǝr pakka, nasu rǝkka a munnzami. 7 Ama ba koyab ɓo na daal kun ma miin mi ɓa. Ɓoɓan ye’es ma na ban bung ɓi koǝl ɓaan, ana liim gǝrliin ma, a sǝn wo gǝrliin ma puri ban koǝl ɓaan, na kunla ban rangas kun laya sǝn shiin ɗa, a ki do’ot a a sǝn wo a liim dab gǝr. 8 Ama gǝrliin ka yu na su tu na Koǝl la, suna ɓiinma ban li, ka mak ɓi su kiid ta, suna liim ka mak ɓisu gul la. 9 Wadni jing jing, ɓi gin mak ɓi ban kum njaar ma mimi mak ɓi ɓoɓa sǝn shiinɗa tuko a ban bil Matadla. 10 Marakmi, ɓomaan na sǝn mawu, wu ma wu gha na daal, wu ban li gǝrliin a ban naat ti koǝl ɓaan, Ashe wa na ma ka mak ɓi li gǝrliin ma a naat ti koǝl ɓaan ɗara, na kunla yi sǝn shiin ɗa? 11 Wu sǝn ban daal lu mi, yum na ban tuko ɓi nyimu ma Yeso wuu na kun li. 12 Wun na pa’am wo na, ki wun pa’am ɓǝsǝn kun ɓi ɓi nyim wun ɓa sǝn shiin a ban rangas kun ɓaal ya ɓa, wo na kwad, wun pa’am ɓǝsǝn kun ɓi Kristi na ma. Wun ma’am ya ɓaal ban ɗo’ot, na kunla ki a ta ɗir ma ɓwaɗan na ma ɓiɓin ɗa. 13 Na kunla wana, nana gǝrma mi li, ɓi ma’an ɗi nyima tuko ɓaal ban pak ɓǝsǝn kun, me kǝr shak nyam ɓa, na kunla ɓa gin mak ɓi nyima tuko ɓa.