2Cor 10 | JgkSC | STEP | Mi Bulus na nggiɗa, mina kaam wun, mi ma ya tungǝla na “myal wun” na mi gha ban wun, a mud dungat mud la na myal wun la Kristi. Ama ya ki naɓa mi gha na “nyaɓan ɓaal” na mi gha ban wun ɗa.

2 Corinthians 10

Bulus Shaɓan Kun A Mud Gaan Li Wo Ɓyak La Kristi

1 Mi Bulus na nggiɗa, mina kaam wun, mi ma ya tungǝla na “myal wun” na mi gha ban wun, a mud dungat mud la na myal wun la Kristi. Ama ya ki naɓa mi gha na “nyaɓan ɓaal” na mi gha ban wun ɗa. 2 Ama mi kaam wun, gin mak ni mi ɓa rǝk na nyaɓan ɓaal a mud wun ɗa mǝs ma mina yum. Nakunla daala na mi gaman ban gussun ma nga’ngan a mud ɓoɓa shap na su rǝk wa la ɓoɓa munnza mi. 3 Ko ma su rǝk i ɓaal munnza, su gha ki wal lo wa la ɓoɓa munnza ɓa. 4 Gǝr lo la su ba byal la ɓoɓa munnza na ɓa. Ama gǝr lo lasu ma gha na nyap la Koǝl ɓi kumban goos ndarak gǝr lo ɓa shiina la ngga lo ɓalsu ma ya yak mud ya gha. 5 Su goos koyap shakkid na koyab ɓyal kun ma yi pak jang na ban daal Koǝl, suki goos sa ban rangas kun la ɓiɓo nakunla ɓi bil shap la Kristi gha. 6 Su paˈan yid su ɓi su kas nzu a mud koyap tǝr ban bil gǝrma Yeso shap, nana su gha bil gǝrma yi shap tǝktǝk. 7 Sǝn na gǝrma pur gǝligǝli. Ɓoman na sǝnǝm wo yi la Kristi na, she ɓi kǝr sǝn kwad na su ɓa kwad su la Kristi na. 8 Ba gǝr nzuun na ɓa, mina walam keˈela na nyap ma Koǝl pa ɓisu ma ɓak wun na ba ma gwos wun na ɓa. 9 Me yat ti wun sǝn wo mi yad ba mak wup piwun na nywangal nggup la ɓa. 10 Lakunla ɓoɓaan shap na, “Nggup ɓal Bulus yaˈala kun ɓa ɓaali shiina kwad. Ama na yi gha na su kun ɓili sǝn shiin ɗa, yi shap kwanglang kun kwad”. 11 Mi yad ɓyal ɓoɓi ɓe daal la na, gǝrma su ki nywangal a ɓaal nggup lasu ma su tum gha ɓi wun ma su ban ɓaan, sǝn ta ɗang na gǝrma su pak na su gha na wun ɗa. 12 Su gha pyaˈas mud su na nggid su ɓa, su gha rǝk dik na ɓoɓo ya sǝn wo a taanɗi koyap ɓo ɓa. Ɓoɓa ya pangat mudya na mud ya, ya yal gǝrma gǝb ya na bipya, ya gwar na. 13 Ama su gha wal keˈel su ɓi ghaar ndi ɓa, Su jam a mud ɗir gaan ma Koǝl paɓi su. wun ɓi, wun ɓaal gaan ɓalsu ma Koǝl paɓi su. 14 Tun ma wun a ɓaal puul ban gaan lasu, ban kara ɓwaɗan kun la Kristi masu karayi ɓi wun mi, su sǝn yaar lir ɓa, su sǝn wal keˈel su ma yaar lir ɓa. 15 Ban wal keˈel la su, sǝn yaar lir ɓa, ma su sǝn wal keˈel la gaan la ɓoɓaan ɗa. Ama mak ɓaal la su yina, woma yak kun mamiin la wun ɓi ki gul gha, wana kwad ɓaal puˈul ban pak gaan la su i ɓaal wun ɓi wangan shangmi. 16 Ɓi su kumban shap kun la Koǝl i nzaal ɓa dum na ɓal wun. Lakunla so yat ban wal keˈel su i mud gaan ma ɓomaan yin paˈam i sum li ɓa. 17 Wama a nywangal gha a ɓaal nggup la Koǝl na: “Ɓoma yi wal keˈeli ɓi wal keˈeli lakunla Matadla.”/f+ /fr10:17/ftIrimya9:24/f*

18 Ba ɓoma shap kun ma ɓwaɗan i mudi na aki yak tiǝ na yi ba, she ma Matadla la ya’am tiˈǝ na yi.