2Cor 2 | JgkSC | STEP | Kud ma ɓaala na, me kǝr ka ban wunɗa, na kunla kar ɓa suk ɓaal li wun ɗa.

2 Corinthians 2

1 Kud ma ɓaala na, me kǝr ka ban wunɗa, na kunla kar ɓa suk ɓaal li wun ɗa. 2 Na kunla, mina su’um ɓaal li wun, yana gus ban pwalan ɓaal la, she wun ɓa suk ɓaal li wun ma. 3 Mi nywangal liwun wini, na kunla, me yad ban ka kum ɓoɓa ya’an ɗe mak ɓaal pwalan ɗa, ɓe mak su’un ɓaal la ɓa. Mi wal keˈel na wun pyang na, ɓala na pupna, lawun ɗi pupna kwad. 4 Mi nywangal liwun aɓaal ɓaal wa’ngan na pina ɓaal ma gullun na mirǝm, ba na kunla ɓi ɓaal wun suk ka ɓa, ama ɓiwun ɗaal woma mi yadwun nga ɓaala.

Ban zubɓuk ɓi ɓoma pak ɓǝsǝn kun

5 Ɓoma na ma’an su’un ɓaal, ba mina yi mak su’un ɓaal la ɓa, wun na pyang, mi shap wo mya, ba mi gaˈat na wun ɗa. 6 Bung ma bo ma yi kum aban ɓǝlǝn ɓiɓo gam mayi. 7 Akarkun wana, zub ni mɓuk ɓi mud wun mak na yi ɓi ta ɓaali, na kunla, ɓi pina ɓaal gin li mudti ɓa. 8 Na kunla wana, mi kam wun yadna yi mamiin shangmi na ɓaal wun ɗik. 9 Nywangal li wun ɓa sǝn nga na, ko wun ɓilin shapla a ko yap mǝs. 10 Wun na zuɓun mbuk ɓi ɓoman, mi ma mi zubɓun mbuk ɓi. gǝrma mina zubɓun mbukka Na na gǝrma ya zub mbuk ma gha, zubum mbukka na kunla wun i ɓaal Kristi. 11 Na kunla kar ɓi sheɗan kum njar ban swarsu ɓa, su daal la sak ɓali pyang.

Gǝrma Sheel Bulus A Toruwas

12 A mǝs ma kaa Tros ban shab ɓwaɗan kun la Kristi ɓiya, she kum Matadla woos ma njarra a pak gaan a bana. 13 Sheel mami shangmi tutumi, nakunla sǝn kum nyima Titus a bana ɓa, she pak she jim ɓiya, yaar ka Makidoniya.

Ban Li Ban I Ɓaal Kristi

14 Ama kaam ɓi Koǝl woma yiki bil gha nasu, ɓi su li ban i kap ban Kristi. Yi ki pak gaan nasu ɓisu shap ɓwadan kunla Kristi a koyap ban, wo gǝrma ɓwaɗan rum ma yakban. 15 Su wa gǝrma ɓwaɗan rum ma Kristi naat ti Koǝl, she ɓwaɗan rum mya yakban a ɓaal nzwak ɓoɓa a yak mud tiya na ɓoɓa ya mud njar ma tatak. 16 Aban ɓoɓa ya mud njar ma tatak, ɓwaɗan rum mi, rum lu na, ma mak ɓi ɓo wu, ama a ban ɓoɓa kum yak mud, ɓwaɗan rum mi, rum ɓǝs sa, ma mak ɓi ɓo rǝk ɓǝs sa. ɓoman sǝn gam ban dap gaan ma ɓa. 17 Su ɓi bawo ɓoɓaan ɗa, ɓa ki shap ɓwaɗan kun la Koǝl na kunla ban yal gǝr munza ɓa. Ama tun ma Koǝl la tumsu, su shap kun ma miin a dumi, i ban rǝk lasu la ɓa pak gaan la Kristi.