2Cor 6 | JgkSC | STEP | A rǝk lasu la ɓoɓa ya pak gaan na Koǝl, su kam wun gin kaɗan na ɓwaɗan gǝr la Koǝl ma wun yakmi ɓi rǝk ngur ra.

2 Corinthians 6

1 A rǝk lasu la ɓoɓa ya pak gaan na Koǝl, su kam wun gin kaɗan na ɓwaɗan gǝr la Koǝl ma wun yakmi ɓi rǝk ngur ra. 2 Wak ni gǝrma Koǝl shap,
“Tam kiɗa ɓu i mǝs ban pad shangan gǝr ɓala,
yaˈan ma wu kwad a mǝs ban yak mud la.”/f+/fr6:2/ftYishaya49:8/f*

/m Taana kid wun, tutumi na mǝs ban pad shangan gǝr! Lami lina kwad na mǝs ban yak mud!

/s Bung Ɓal Bulus

/p 3 Su sen mak ɓomaan ɓi tuko i shik njar la Koǝl la, lakunla ɓe gin sang gaan lasu ɓa. 4 A karkun wana, su ki shik ɓiɓo na su ɓoɓa pak gaan la Koǝl na a koyap njar. Suki ta ɓaalsu a ɓaal wangan, ɓaal bung la ban ngaˈat ɓaal. 5 A walamsu, la ban mak su nɗa ban gib ɓo, a maˈam byang ɓisu a ɓaal nɗuˈut ban, su keman gaan ɓa yaˈal nyap lasu, su kemam tǝr tulu la nzal shangmi na kunla tǝr gǝrlin. 6 A ɓaal ban rɛk ma kyarassa masu ki pak, na ban daal gǝr ɓalsu, na ban ta ɓaalsu, na ban pak shangan gǝr lasu, su kamam na su ɓoɓa pak gaan la Koǝl la i kap ban Wuus la Koǝl na yad ma miin. 7 Su kam na suɓa pak gaan la Koǝl na, na ban shap kun ma miin na nyap la Koǝl. Ban pak gǝr ma tǝktǝk na gǝr ban wal lo masu ki wat a buksu ma li na kalang. 8 A ki pa gul li su, a ban ɓaan a ki kyamas su, a ki kak ɓi su, a ban ɓaan a dat na lwak ɓisu, a ɗap su wa shap ngwa ngwa na, ama su ɓa ki shap miin na. 9 Wa a sen daal su ɓa, ama a daal ma su shangmi, wa su kun lu, ama su ɓǝs gǝr la su, ya mud ban wal su, ama wal ma sǝn mer su ɓa. 10 Su gha la ɓaal suˈun, ama su gha la ɓaal puupna, su ɓaal tǝr, ama su maˈam ɓo gywak be kum ger ɓuk, wo su gha la gǝrmaan ɗa, ama koyab gǝr lasu na. 11 Wun Ɓoɓa Koronti, su sen swaram germaan ɗi wun ɗa, su taam ɓaal su ɓi wun pyang. 12 Su sǝn ɓiin ban kam yad mamiin ɗi wun ɗa, ama wun na sǝn kam yad mamiin ɗi su ɓa. 13 Mi shap kun mi ɓi wun wo ma tad ɓi ki tangas kit ti mun ɓali, wun ɓa she wun yadsu mamiin.

Gin Pangat Na Mud Wun Na Ɓoɓa Sǝn Bil Yeso Ɓa

14 Gin pangat na mud wun i ban pak gerɓa sǝn ɓwadta la ɓoɓa sen bil Matadla ɓa. To, mala pangat ban pak tǝktǝk la ɓiɓǝn ger? ko mala pangat ɓan mwassa la tuˈum? 15 Kristi lak la Shetan na wu? ko mana pangat ɓoma bil Kristi na ɓoɓa ya gha bil Kristi ɓa? 16 Mana pangat la la Koǝl na la la waar wu? Su na la la Koǝl ma bǝs. Wama Koǝl shap na, “Mi nǝˈǝn la ya, Mi ngwak na nzwak ya, Mi nǝˈǝn Koǝl laya, la ya nǝˈǝn ɓoɓa la.” 17 Lakunla wa, “she wun purna ɓaal ya, wun kadna kap mwak,wama Matadla shap ka, gin paˈan ^{▼▼paˈan ko dul ko ɗuluk} na ger nǝk ^{▼▼nǝk ko miik} ɓa, Mi kwad she yak wun. 18 Mi gussun Tad ti wun, la wun ɓi gussun mun ɓa la, bid la ngalab, i shap la Matadla ma jiin.”