2Cor 9 | JgkSC | STEP | Ba she mina nywangal ma ɓi wun a mud ba ya’an ɓoɓa bil Yeso ɓera.

2 Corinthians 9

Ba Ya’an Ɓoɓa Bil Yeso

1 Ba she mina nywangal ma ɓi wun a mud ba ya’an ɓoɓa bil Yeso ɓera. 2 Nakula diila wun ɗap ma ɓaal wun na wun yaˈan na, yi na mak na wal keˈela na wun a ban ɓoɓa Makidoniya a mud wamya. Shabam ɓe na, tun bak ku na wun ɓoɓa Akaya wun yad ban yaˈan laya. Gǝrma wun pak maˈam ɓi ɓo ɓa lwak mut kusya. 3 Ama tumun ɓi nyimsu ɓi, nakula kun ma su shap a mud wun mi ɓi gin gus ma nggur ra. Mi yad ɓe kum wun paˈam tak yidwun na gǝrma wun pa wo ma shap ka ɓe. 4 Na kula mina yum na ɓoɓaan ɓa ɓil Yeso ɓa Makidoniya, mi gha yad ɓe yu kum wun sǝn pak yidwun amud gǝrma wun pa ɓa. Na paˈam wana, nzuun ɗi walan su nakunla wal keˈel shangmi, ama nzuun ma ba lana gallang ɓa, ama pyang la wun. 5 Yina mak na kam ɓi nyimsu ɓe mori ka dum kasa, ɓe kum ba raam gǝrma wun ɗap a ɓaalwun na wun paan, suna yum ɓisu kum a sheˈem. Ba pak wana ɓi kamam na ɓaal wun na yad ba ɓoman na mak wun nga na keˈel la. ^▼▼

6 Gǝrma mi nyat ti wun diil yina, ɓo ma ɗaar ma gǝr ndung ndung na bipya ye kum gǝr gywak ɓa, ama ɓoma na ɗaar ma gǝr woma yaˈan na yi kumun gǝr gywak. 7 Bi koyap ɓo pa wa ma yi kud ka ɓaali ba na ba dad na ɓaal ko ba mak ɓona keˈel lǝra, nakula Koǝl li yidan ɓoma yi pa na pupna ɓaal. 8 Koǝl gha na nyap ma yi pa gǝr ɓuk ɓi wun ma taɓi wo ma wun yad ka, ɓi wun kum koyap gǝrma wun yat ka a koyap mǝs, ɓi wun kum ban pak ɓwaɗan gǝr gha ɓi ɓiɓo. 9 Wa ma a nywangal gha a ɓaal kunla Koǝl na:

/q1”Yi ki pa ɓi ɓo ɓa tǝr gǝr ɓuk na buˈe ma wuras sa,

/q2 gaan li ma tǝktǝk ma bat-bat na”/f+ /fr9:9/ftZab112:9/f*

/m 10 Koǝl la ki pa byal li ɓo ma ɓyal gǝr ɓi ɓyal, yina pa gǝr ra liin ɗi. Nakunla wa Koǝl li paan ɓyal ma ɓilan ɗi wun, yi maˈan ɓi wun kum gǝr sum gywak kwad ɓi wun kumban pak gǝrma tǝktǝk./f+ /fr9:10/ft/xtIsh 55:10/ft./f* 11 Yi mak ɓi gǝr ɓuk wun gul a koyap njar, ɓi wun kum ki pa na ɓaal ma ɓwaɗan a koyap mǝs. Ban pak wana yi maˈan ɗi ɓoɓa ɓilin ɓe kak ɓi Koǝl nakunla gǝrɓuk ma wun pa ɓe kap ban su. 12 Gaan ma wun pak ma mi, ba yi yaˈan ɓoɓal Matadla na nggalang ɓa, ama yi maˈan ɓiɓo ɓe kaak ɓi Koǝl. 13 Gaan ma ɓoɗan ma wun pak ma mimi yi maˈan ɗi ɓiɓo ɓe pa gulli Koǝl nakunla wun paˈam gǝrma a shappi wun takwad ma wun yaˈam ɓwaɗan kun la Kristi, na yaˈan ban ma wun pak ɓe na tiˈes ɓiɓo na ɓuk wun ma wurassa. 14 Ya kwad ya kaman Koǝl li wun, Ya ba rangans wun a ɓaal ya, nakula ɓwaɗan gǝr ma yaˈal ban dal la ɓo, ma Koǝl pa nyap ban pak ɓi wun. 15 Su kaak na ɓi Koǝl na ɓwaɗan gǝr ɓa yi pa ɓi su ma yaˈal ban shap la ɓiɓo!