‏ Revelation of John 20

Nia ngadau e mana(1,000)

1Gei au ga mmada gi tangada di langi e haneia i di langi, e daahi di gii o di lua dono dua ai mo dono tiini dueehe i lodo dono lima. 2Mee ga kumi di manu-“dragon”, go di gihaa namua, dela go di Hagadaumee be go Satan, ga lawalawa a mee gi tiini i nia ngadau e mana ). ^a 3Tangada di langi ga hudu a mee gi lodo di lua dono dua ai, ga tai di lua, ga wanga ginai dono haga iloo bolo hagalee huge, bolo gi deemee a mee di halahalau nia henua llauehe, ga dae loo gi di hagaodi o nia ngadau e mana. I muli nia ngadau e mana, gei mee ga hagamehede i lodo di madagoaa bodobodo.

4Gei au ga mmada gi nia lohongo aamua, gei digau ala e noho i hongo nia maa la gu wanga ginai nia mogobuna hai gabunga. Au ga mmada gi nia hagataalunga o digau ala ne daaligi gi mmade, idimaa, digaula nogo hagadele di tonu dela ne haga gila aga go Jesus, mo nia helekai a God. Digaula digi daumaha gi di manu huaidu be go dono ada, digi kae di maaga o di manu huaidu i hongo nadau lae be go nadau lima. Digaula ne mouli aga ga dagi gadoo be nia king dalia a Christ i lodo nia ngadau e mana. ^b 5(Digau mmade ala i golo la digi mouli aga ga dae loo gi di hagaodi o nia ngadau e mana.) Deenei la go tahi haga mouli aga o digau mmade. 6E maluagina huoloo go digau ala e dau gi tahi mouli aga o digau mmade. Di lua made la ono mogobuna ang gi digaula ai. Digaula ga hai digau hai mee dabu ni God mo Christ, gei digaula ga dagi be Christ i nia ngadau e mana.

Di magedaa o Satan

7I muli di hagaodi o nia ngadau e mana, Satan la ga hagamehede gi daha mo dono gowaa galabudi, 8gei mee ga hana ga halahalau nia henua llauehe ala e modoho i hongo henuailala hagatau, ala go “Gog” mo “Magog”. Satan ga haga dagabuli nia henua aanei belee hai tauwa, nia daangada dogologowaahee be nia gelegele i tongotai. ^c 9Digaula ga modoho gi daha i hongo henuailala ga haganiga i di gili di gowaa e noho ai nia daangada a God mo di waahale dela e aloho iei mee. Gei di ahi ga haneia i di langi ga dudu digaula. 10Gei di “Devil” dela ne halahalau digaula, ga hudu gi lodo di monowai o di ahi-“sulfur”, di gowaa dela ne kili ginai di manu huaidu mo soukohp dilikai. Digaula ga haga mmaemmae boo mo aa, ga hana hua beelaa.

Di hagi aga haga muliagina

11Gei au ga mmada gi di lohongo king damana kene mo tangada dela e noho i ono nua. Henuailala mo di langi gu llele gi daha mo mee gu hagalee gila mai labelaa. ^d 12Au ga mmada gi digau mmade, digau aamua mo digau lligi, e tuu i mua di lohongo king. Gei nia beebaa ga huge, tuai beebaa ga huge labelaa, go di beebaa hagamouli. Digau mmade la ga hagi aga e hagatau be nia maa ni aha ala ne hai go digaula, gi hai be nia mee ala gu hihi i lodo nia beebaa. 13Di moana gu diiagi gi daha ana gau mmade. Di “Made” mo di “Heidis” ▼

▼20.13,14 Heidis:di gowaa digau mmade

gu diiagi gi daha nau gau mmade ala nogo daahi go ginaua. Gei digaula ga hagi aga e hagatau be nia maa ni aha ala ne hai go digaula. 14Di “Made” mo di “Heidis” la ne kili gi lodo di monowai o di ahi. (Di monowai o di ahi deenei, la go di lua made.) Be koai hua dela dono ingoo digi hihia gi lodo di beebaa hagamouli, le e hudu gi lodo di monowai ulaula.

15