Revelation of John 7
Isrel nɨbi bɨ iru nöp God kƚiñ nɨpe udla
1Pen kuöyaŋ u nɨŋnö, ejol mɨhau mɨhau ram mɨnöŋ goƚ mɨhau mɨhau ke ke urak mɨdöm, pɨnöm mɨhau mɨhau udöl mɨdöm, mɨnöŋ naböŋ, ñɨg solwara, mab gau, naij gagnɨm, a göm, naböŋ kale ke añɨ añɨ udöl gɨ mɨdeila. a 2Pen yad nɨŋnö, ejol ap sɨdö lɨm göp gau nɨbö, God Bɨ Pör Kamɨŋ Mɨdöp nan kƚiñ rɨk lep nɨpe u damöm, ejol mɨhau mɨhau God hagö söl ram mɨnöŋ ñɨg solwara gɨ naij gɨnɨg gaila anɨb gau kalɨp haga, 3“Pɨdöŋ gim! Nɨbi bɨ God hon nɨp wög gɨ ñɨbal gau kƚiñ nɨpe u nable kale laŋ rɨkaiun; hainö pɨnöm yube, amöm ram mɨnöŋ, ñɨg solwara, mab nan gau gɨ naij gɨnɨm,” a ga. b4Pen manö ap hagla nɨŋnö, nɨbi bɨ God kƚiñ nɨpe nable laŋ rɨkla anɨb gau, Isrel nɨbi bɨ iƚ ke ke gau jɨm ñɨla u wan hadred podi po dausan (144,000). c
5
- Nɨbi bɨ anɨb gau, Juda iƚ u kale 12,000;
- Ruben iƚ u kale 12,000;
- Gad iƚ u kale 12,000;
“God hon sea kiŋ bɨs göp u abe,
Sipsip Pi u abe hanɨp nan a gɨmil gɨ aij gɨlö u me,
kamɨŋ arnabun,” a gɨla. d
11Ejol gau magöŋhalö Bɨ sea kiŋ asɨk mɨdeia u abe, bɨ manö ud asɨkep gau abe, nan kamɨŋ mɨhau mɨhau gau abe, kalɨp bɨg gɨgabö gɨ mɨdeila. Kale ap lug kugom yɨmöm, ubör yɨhöŋ göm, God hib nɨpe u dap ranöm, 12hagla,
“Nɨŋö yabɨƚ!
God hon hib ke halö mɨdöp, a gun,
hib nɨpe hagno adö araŋ.
Nɨpe mailö aij ke halö mɨdöp, a gun,
hib nɨpe hagno adö araŋ.
Nɨpe gasɨ aij ke yabɨƚ mɨdöp, a gun,
hib nɨpe hagno adö araŋ.
Nɨpe ga u, nɨp aij yabɨƚ, a gun,
hib nɨpe hagno adö araŋ.
Nɨpe aij ke yabɨƚ mɨdöp, a gun,
hib nɨpe hagno adö araŋ.
Nɨpe nan nɨhön gɨnam a gɨnab u, u nöp gɨnab, a gun,
hib nɨpe hagno adö araŋ.
Nɨpe kƚö ke yabɨƚ mɨdöp, a gun,
hib nɨpe hagno adö araŋ.
God hon hib nɨpe u pör pör nöp hagno adö araŋ.
Nɨŋö yabɨƚ!” a gɨla. e
Kuöyaŋ ilön udagnaböl
13Pen bɨ kub manö ud asɨkep anɨb gau bɨ ap, yɨp hag nɨŋöm haga, “Nɨbi bɨ waƚɨj rud lɨbal anɨb gau an? Pen kale gai nɨbö aubal?” ö ga.14Hageia hagnö, “Bɨ kub. Yad nɨŋagpin; pen ne nɨŋban,” a gɨnö. Anɨg hagnö, yɨp haga, “Nɨbi bɨ gai i kalɨp marö ñɨlö, bɨsƚam yabɨƚ mɨdöm kamɨŋ aubal. Pen kale Sipsip Pi hagape nɨpe u udöm, waƚɨj kale gau uɫ maɫɨ gɨlö, rud göp. f 15Anɨb u me,
“Kale God sea kiŋ iƚ aŋ au mɨdöl gɨ, sɨdö aŋ, sɨbön yaŋ,
sabe gep ram raul mɨgan nɨpe u wög nɨpe göl gɨ, gɨpal.
Bɨ sea kiŋ bɨs gɨ mɨdöp u
kalɨp abad mɨd aij yabɨƚ gɨnab. g
16Kalɨp kɨyö kuöyaŋ gagnab, ñɨg nan kuöyaŋ gagnab,
sɨdö kal kuöyaŋ nɨŋöm ilön gagnab. h
17Nɨhön gɨnɨg: Sipsip Pi sea kiŋ aŋ au mɨdöp u,
sipsip abadep bɨ kale mɨdöm,
kalɨp uɫ gɨ ñɨg ilam junab gau arö,
ñɨg kamɨŋ magö ñeb u ñɨŋnaböl.
Pen God nɨpe mɨɫöŋ ñɨg kale u
magöŋhalö wik gɨ yunab,” a ga.
Copyright information for
KPW