‏ Luke 3

John Baptist yaku ago ni rausi reyo

(Mt 3.1–12; Mk 1.1–8; Jn 1.19–28)

1Tiberius Caesar bi lagani 15 warika amiye ni amegamo ri, Pontius Pilate bi Judea di gavana, ma Herod bi Galilee di gavana. Herod di ourena Philip bi Iturea ma Tranchonitis di gavana, ma Lysanias bi Abilene di gavana. 2Annas ma Caiaphas bi Sei ma amiye utari naivonaivo vene tora. Mina ariri, Sei yaku John, Zechariah di mida, rofu ini ago maro, gagani autu sanari. 3Kamini, John yaku Jordan Koru seri gagani tau rofuri digasa vegu no feresi moi etaga rina ma Sei yaku ini vegu no koite makuna di babatiso di ago ni rausi regamo.

4Isaiah Sei di ago niyo amiye di bukari bura resi niyo kana: ^a
“Amiye yokoi gagani autu sanari raka nido:
‘Warika Amiye di ida dogo refa,
ini dibo ida moi rorobo rifa.
5Soku tau moi vata baigedi,
omuna toratora ma omuna keikakeika tau bi nomu nigo.
Ida kevo sana moi rorobo risi
giyo ida bi amuta nigedi.
6Amiye tau yaku vegedi Sei di vava gokai amiye moi vegu rego mina!’”
7Amiye taugade John rofu boyadi, babatiso regedi vo nisi. Kamini emagasa nigamo, “Aruma mida, kaere yaku ya niyo, ‘Sei di gubuyo baigo, mina rofu ori diyainedi?’ ^b 8Mina dada ya vene yi vegu no feresi moi etaga risi vegu no ferena di vegu iniye yabo meko rama rena kana moi ogau rifa. Ma ya yaike mokegi ga kora refa nidedi, ‘Abraham bi uni tutubena.’ Adina ya vene rofu nida, Sei ina diba mina fore dudu Abraham di tutubena rigo! ^c 9Viro bi yabo daruri sena ka aiyadi ma yabo meko buni de varedo bi nu makusi ita fafau you bogedi.” ^d

10Amiye taugade yaku ni kaitesi niyadi, “Ma una bi beika regifa?”

11John yaku ni kabai resi niyo, “Kaere ini varuka remanu amiye bi varuka de amiye rofu bi yokoi mago. Ma kaere iruku nufa bi, rau re.”

12Fore butu rededi vene be ka babatiso moigedi vo nisi boyadi yaku ni kaiteyadi, “Oteimana amiye, ma una bi gokai regifa?” ^e

13Ina yaku ni kabai resi niyo, “Ago gira yaku niyo kana maka moifa, moi tau tora bi ga refa.”

14Iya rededi vene be ka ina rofu ni kaitesi niyadi, “Una bi gokai regifa?”

Ina yaku niyo, “Amiye rofu fore moi tavoi ga refa, ma ofa sina dudu ina rofu ago ga nifa. Ma yi moimai dudu, gokaisanu moisa bi, kaini ada re.”

15Gua amiye tau di uka mokena vau reyadi, dada mokena deda moisi niyadi, “John bi Keriso mini ba?” 16Kamini ina yaku mina amiye tau rofu niyo, “Na yaku koru dudu ya babatiso reida, idu amiye yokoi kaere baigo, ini vava yaku nai vava etei riyo ma ini yuka ro di yuka fafau di maena mina na bi rorobo de na yaku efuka odesi you negida. Mina amiye yaku Vima Kikifa ma ita dudu ya babatiso rego. 17Ini fotaka utei resi koka rena di gadi bi ini vanari moi gira reyo, witi ada di fotaka dobeka gutuna makusi ini yavari aigo, idu ini sanika bi kafena de itari ori kamu rego.”

18Ina yaku ago tauri amiye rofu Sina Buni ni oteimaro. 19Idu John yaku, Herod kaere bi Galilee di gavana, di ini no moi negau rigamo. Adina bi ini dubuini di rema Herodias moi ini rema reyo. Berou bi ini vegu no tau tora reyo mina ni negau reyo. ^f 20Mina vegu reyo ri, bi ini no dubusa moi tora riyo, yaku John dibura yavari aiyo.

Iesu babatiso reyo

(Mt 3.13–17; Mk 1.9–11)

21Amiye tau babatiso maro ri, bi Iesu ka babatiso reyo. Usausa nigamo ri, oma ekeyo 22ma Vima Kikifa bi pune erena kana rovaita dudu Iesu fafau desi rou riyo ri, bi goroka yokoi omari gutuna deyo, “Ya bi nai uka maida mida; ada toragade ya rofu reida.” ^g

Iesu ini tutubena vene

(Mt 1.1–17)

23Ini vata niyo vegu bi 30 kanari mamo ini moimai reyo. Amiye yaku mokegamadi bi Iesu bi Joseph di ini rumana mida. Joseph bi Heli di ini rumana mida. 24Heli bi Matthat di ini rumana mida. Matthat bi Levi di ini rumana mida. Levi bi Melchi di ini rumana mida. Melchi bi Jannai di ini rumana mida. Jannai bi Joseph di ini rumana mida. 25Joseph bi Mattathias di ini rumana mida. Mattathias bi Amos di ini rumana mida. Amos bi Nahum di ini rumana mida. Nahum bi Esli di ini rumana mida. Esli bi Naggai di ini rumana mida. 26Naggai bi Maath di ini rumana mida. Maath bi Mattathias di ini rumana mida. Mattathias bi Semein di ini rumana mida. Semein bi Josech di ini rumana mida. Josech bi Joda di ini rumana mida. 27Joda bi Joanan di ini rumana mida. Joanan bi Rhesa di ini rumana mida. Rhesa bi Zerubbabel di ini rumana mida. Zerubbabel bi Shealtiel di ini rumana mida. Shealtiel bi Neri di ini rumana mida. 28Neri bi Melchi di ini rumana mida. Melchi bi Addi di ini rumana mida. Addi bi Cosam di ini rumana mida. Cosam bi Elmadam di ini rumana mida. Elmadam bi Er di ini rumana mida. 29Er bi Joshua di ini rumana mida. Joshua bi Eliezer di ini rumana mida. Eliezer bi Jorim di ini rumana mida. Jorim bi Matthat di ini rumana mida. Matthat bi Levi di ini rumana mida. 30Levi bi Simeon di ini rumana mida. Simeon bi Judah di ini rumana mida. Judah bi Joseph di ini rumana mida. Joseph bi Jonam di ini rumana mida. Jonam bi Eliakim di ini rumana mida. 31Eliakim bi Melea di ini rumana mida. Melea bi Menna di ini rumana mida. Menna bi Mattatha di ini rumana mida. Mattatha bi Nathan di ini rumana mida. Nathan bi David di ini rumana mida. 32David bi Jesse di ini rumana mida. Jesse be Obed di ini rumana mida. Obed bi Boaz di ini rumana mida. Boaz bi Salmon di ini rumana mida. Salmon bi Nahshon di ini rumana mida. 33Nahshon bi Amminadab di ini rumana mida. Amminadab bi Admin di ini rumana mida. Admin bi Arni di ini rumana mida. Arni bi Hezron di ini rumana mida. Hezron bi Perez di ini rumana mida. Perez bi Judah di ini rumana mida. 34Judah bi Jacob di ini rumana mida. Jacob bi Issac di ini rumana mida. Issac bi Abraham di ini rumana mida. Abraham bi Terah di ini rumana mida. Terah bi Nahor di ini rumana mida. 35Nahor bi Serug di ini rumana mida. Serug bi Reu di ini rumana mida. Reu bi Peleg di ini rumana mida. Peleg bi Eber di ini rumana mida. Eber bi Shelah di ini rumana mida. 36Shelah bi Cainan di ini rumana mida. Cainan bi Arphaxad di ini rumana mida. Arphaxad bi Shem di ini rumana mida. Shem bi Noah di ini rumana mida. Noah bi Lamech di ini rumana mida. 37Lamech bi Methuselah di ini rumana mida. Methuselah bi Enoch di ini rumana mida. Enoch bi Jared di ini rumana mida. Jared bi Mahalaleel di ini rumana mida. Mahalaleel bi Kenan di ini rumana mida. 38Kenan bi Enosh di ini rumana mida. Enosh bi Seth di ini rumana mida. Seth bi Adam di ini rumana mida ma Adam bi Sei di ini rumana mida.