‏ 1 Chronicles 9

Diat dia lilikun maro Babilon

(Neke 11:1-24)

1Damana di ga luk ra tarai Israel ta kadia lavur apik na tarai; ma di ga tumu diat ta ra buk ure ra umana king Israel; ma di ga ben vavilavilau vue ra tarai Iuda uro Babilon ure kadia varpiam. 2Nam diat nina dia ga pot lua ba dia ga lilikun upi diat a kale pa kadia pia ta ra umana pia na pal, a tarai Israel, ra umana tena tinabar, a tarai Levi, ma diat dia papalum ta ra pal i gomgom.

3Ma ta umana bula ta ra umana vuna tarai Iuda, Beniamin, Epraim, ma Manase, dia ga ki arama Ierusalem; 4go diat: Utai natu i Amiud, natu i Omri, natu i Imri, natu i Bani, ta ra apik na tarai kai Peres natu i Iuda; 5ma ta diat ra tarai Silo, Asaia a luaina natuna, ma ra umana natuna; 6ma ta ra apik na tarai kai Sera, Ieuel ma ra umana niuruna, laptikai na mar ma lavuvat na vinun; 7ma ta ra umana apik na tarai kai Beniamin, Salu natu i Mesulam, natu i Odavia, natu i Asenua, 8ma Ibneia natu i Ierokam, ma Ela natu i Usi natu i Mikri, ma Mesulam natu i Sepatia natu i Reuel natu i Ibnia, 9ma ra umana niuru i diat ta kadia taun tarai, lavuvat na mar ma a ilima na vinun ma laptikai. Go parika a umana lualua ta kadia umana apik na tarai.

10Ma ta diat ra umana tena tinabar: Iedaia, Ieoiarib, Iakin, 11ma Asaria natu i Kilkia, natu i Mesulam, natu i Sadok, natu i Meraiot, natu i Akitub, ra lualua ta ra kuba i God, 12ma Adaia natu i Ierokam, natu i Paskur, natu i Malkia, ma Masai natu i Adiel, natu i Iasera, natu i Mesulam, natu i Mesilemit, natu i Imer, 13ma ra umana niuru i diat, diat a umana lualua ta kadia umana apik na tarai; tika na arip ma lavurua na mar ma laptikai na vinun diat, ma diat par dia ga tale ra papalum ta ra kuba i God.

14Ma ta diat ra tarai Levi: Semaia natu i Kasub, natu i Asrikam, natu i Kasabia, ta ra apik na tarai kai Merari; 15Bakbakar, Keres, Galal, ma Matania natu i Mika, natu i Sikri, natu i Asap, 16ma Obadia natu i Semaia, natu i Galal, natu i Iedutun, ma Berekia, natu i Asa, natu i Elkana, nina i ga ki ta ra gunan kai ra tarai Netopat.

17Ma ra umana monamono na matakilalat: Salum, Akub, Talmon, ma Akiman, ma ra umana niuru i diat; Salum i ga lualua ta diat, 18ma i ga tur na varbalaurai ta ra mataniolo kai ra king ta ra papar a taur; go diat a umana tena varbalaurai ta ra pakana i gomgom kai ra tarai Levi. 19Ma Salum natu i Kore, natu i Ebiasap, natu i Kora, ma ra umana niuruna ta ra apik na tarai kai Kora, dia ga kure ra papalum ma dia ga balaure ra matakilalat ai ra Pal, da ra umana tama i diat dia ga kure ra gunan kai ra Luluai, ma dia ga balaure ra mataniolo tana; 20ma Pinekas natu i Eleasar i ga lue diat lua boko, ma ra Luluai i ga ki maravut ia. 21Sekaria natu i Meselemia i ga tena varbalaurai ta ra matakilalat ai ra pal na varbarat. 22Di ga pilak pa a ura mar ma a vinun ma a urua upi ra umana tena varbalaurai ta ra umana mataniolo. Di ga tumu vake ra iang i diat ta kadia umana gunan; David ma Samuel ra tena ginigira dir ga tibe diat upi kadia tiniba. 23Damana diat ma ra umana bul mur ta diat dia ga balaure ra umana mataniolo ta ra kuba i ra Luluai, a pal na varbarat, ta kadia tiniba tikatikai. 24Ma ra umana tena varbalaurai dia ga tur ta ra ivat na papar parika, a papar a taur, a papar a taoai, a papar a labur, ma ra papar a taubar. 25Ma ra umana niuru i diat dia ga ki ta kadia gunagunan, ma dia ga ki pa ra vik nina ba diat a pait kadia tiniba tana. 26Nam ra ivat na te Levi nina di ga tumu ra iang i diat dia ga kure ra umana tena varbalaurai, ma ra umana bagialar, ma ra vuvuvung na mani ta ra kuba i God. 27Dia ga va maravai ta ra kuba i God tago dia ga kure ra varbalaurai tana, ma kadia tiniba ba diat a papa ia ta ra malamalana.

28Ta umana bula ta diat dia ga balaure ra umana la ure ra papalum, ma dia ga kap varuk diat ma dia ga vairop vue diat bula ta kadia varmur tikatikai. 29Ta umana ta diat di ga tibe diat upi diat a balaure ra tabarikik ma ra umana la ta ra pal i gomgom, ma upi diat a balaure ra bo na plaua, ma ra polo na vuai na vain, ma ra dangi, ma ra bulit i ang na katkat, ma ra umana vuai na davai dia ang na katkat. 30Ma ta umana ta diat ra umana tena tinabar dia ga vaninare ra dangi na varku kan ra umana vuai na davai dia ang na katkat.

31Ma Matitia, tikai ta diat ra tarai Levi, nina ba a luaina natu i Salum ta ra apik na tarai kai Kora, i ga kure ra umana magit nina di ga tun diat ta ra rararangai. 32Ma ta umana ta diat ta ra apik na tarai kai Koat dia ga balaure ra gem na ginigira, upi diat a vaninare ure ra Bung Sabat.

33Go diat a umana tena kakailai, ra umana lualua ta ra umana apik na tarai ta ra tarai Levi, dia ga va ta ra umana bagialar ai ra pal; pa dia ga varvakai ma ta enana mangana papalum tago dia ga pait kadia tiniba a bungbung na keake ma ra bungbung na marum.

34Go diat a umana lualua ta ra umana apik na tarai ta ra tarai Levi, a umana luluai ta kadia taun tarai, ma dia ga ki arama Ierusalem.

A vuna tarai kai Saul

(1 Tutu 8:29-38)

35Ma Ieiei tama i Gibeon i ga ki ta ra pia na pal Gibeon, ma ra iang i kana taulai Maka; 36ma i ga vangala Abdon a luaina natuna, namur Sur, Kis, Baal, Ner, Nadab, 37Gedor, Akio, Sekaria, ma Miklot. 38Ma Miklot i ga vangala Simeam. Ma dia ga ki arama Ierusalem ma ra umana tura i diat ta kadia pakana iat.

39Ma Ner i ga vangala Kis, ma Kis i ga vangala Saul; ma Saul i ga vangala Ionatan, Malki-Sua, Abinadab, ma Es-Baal. 40Ma ra natu i Ionatan, Merib-Baal; ma Merib-Baal i ga vangala Mika. 41Ma ra umana natu i Mika go diat: Piton. Melek, Tarea, ma Akas. 42Ma Akas i ga vangala Iara, Iara i ga vangala Alemet, Asmavet. ma Simri; ma Simri i ga vangala Mosa, 43Mosa i ga vangala Binea, Binea i ga vangala Repaia, Repaia i ga vangala Eleasa, Eleasa i ga vangala Asel; 44ma Asel i ga vangala laptikai na bul tutana, ma go ra iang i diat: Asrikam, Bokeru, Ismael, Searia, Obadia, ma Kanan; go parika ra umana natu i Asel.