Ecc 6 | KSD | STEP | Tika na kaina magit iau ga tar gire ta ra vavai na keake, ma i va taun ra tarai:

‏ Ecclesiastes 6

1 Tika na kaina magit iau ga tar gire ta ra vavai na keake, ma i va taun ra tarai: 2 a tutana nina God i ga tul tar ra tabarikik tana tuk tar i uviana, ma di ru ia, ma i tar kale nam parika ra balana i ga mainge, ma i mama gugu tana; tika na vaira ka i vatur vake ra boina tana. Go bula a magit vakuku tuna, ma i da ra kaina minait. 3 A tutana nina i vangala ra mar na natuna, ma i laun vue mangoro na kilala, ma ra umana bungbung ta kana nilaun dia peal mat, ma ra balana pa i nunure ra gugu, ma ba i mat pa di punang ia; go i kaina ta dir ma ra bul tadoko; 4 tago pa i topa ta magit ma i panie ta ra bobotoi ba pa ta iangina boko; 5 pa i ga gire ra keake , ma pa i ga matoto ure; go i nunure ra ningo, ma ra tutana pata. 6 Ona nam ra tutana na laun vue a ura arip na marmar na kilakilala, ma pa i ki na gugu tana, dir parika dir varogop tago a kopono mutuai dir. 7 A tutana i papalum upi koko na mulmulum, ia kaka pa i maur tana.

8 A tena kabinana pa i kap ta magit i boina ta nam nina a papaua i kap ia; damana bula ra luveana nina i takodo kana mangamangana. 9 A magit di gire i boina ta dir ma ra magit di anan upi ia; go bula a magit vakuku tuna, a tinikan upi ra vuvu.

10 Nam nina di pait ia di ga kure value amanamana iat, ma amanamana iat lua di ga kure value ba ra tutana na dave; pa i tale ba na vartoto ma tikai i ngala ta dir. 11 Mangoro na tinata ure, ia ra magit vakuku tuna. A umana tinata dia topa ra ava?

12 To ia na vateten ra tutana ure ra magit i boina ba pa i lolokon kana nilaun? Dia panie da ra malur na gobol a bakut. To ia bar na vakapa ra tutana ure ra magit ba na tadav go ra rakarakan a gunagunan ba i vana kan ia?