‏ Psalms 126

A niaring upi ra varvalaun

A kakailai na nitutua.

1Ba ra Luluai i ga ben valilikun mule diat dia talil uro Sion,
Da ga varogop ma diat dia ririvon.
2Ta nam ra bung i tup dat ra ninongon,
Ma da ga kakailai ma ra gugu.
Ta nam ra bung a umana Tematana dia biti dari:
Ra Luluai i tar pait ra umana ngala na magit ure diat.
3Ra Luluai i ga pait ra umana ngala na magit ure dat;
Da gugu.

4Luluai, una vadoane mule avet,
Da ra umana tava alir aro Negeb.
5Diat dia vavauma ma i lur ra mata i diat,
Diat a varurue boko ra magit ma diat a ngenge na gugu.
Ba tikai i vana ma i tangi,
Ba i kap voe ra patpat na davai upi na vaume,
A dovotina na lilikun ma ra ngenge na gigi,
Ba i kap ra vuai na uma.
6