‏ Psalms 127

A pite varpa tadav God tago ia ra tena pait ra boina

A kakailai na nitutua; kai Solomon.

1Ona ra Luluai pa i vatur ra pal,
Diat dia papait dia papalum vakuku tana;
Ona ra Luluai pa i balaure ra pia na pal,
Ra monamono i mono vakuku.
2A magit vakuku pire vavat, ba ava tut ra malana ikilik ma ba ava ki vavuan ta ra marum,
Ma ba ava en ra nian ba i ga tup avat ra papalum ure;
Tago i tabar kana lavur vakak ba dia diadiop.

3Ea, ra Luluai i tul tar ra umana bul tutana;
A vuai ra tatal na bul i da ra vapuak.
4A umana bul di kava diat ba ra tavu i diat dia ongor boko,
Dia da ra umana pu ta ra lima i ra tena ongor.
I ti doan nam ra tutana ba kana popopoi i buka ma diat;
Pa na vavirvir,
Ba dia pirpir ma kana umana ebar ta ra mataniolo.
5