Psalms 127
Anatunya Yulu Keyange Dokona Lakandamanale
1Kamongome anda doko pii naramoanda pingi akalimi iki sisu lao pirami ramo doko nakamana yulu doko mee ingyuo para.
Kamongome taone doko kando iso kara nara ramo dokopa
akali taone iso kararami dupwa mee ingyuo para.
2Kamongo baame mona retenge wambu dupwa kamenge luu palenge dokopa
nakama yano pilyamo dupwa maingi.
Dokona suu pyao namwa kukwako sipurao yulu andake pyuo kukwako pao palyuo pyuo kararama doko
meekopirama ingilyamo.
3Wane wanakepe mandenge doko Kamongome mee jilyasa pingi
nakama namwa elyape keta piso jipyasa pilyamo.
4Akali mende wanyane ingyuo karo wane mandenge dupwa
yanda singingya kingi dokona yanda kakupi minyaro karenge dopale ingyuo karaminyi.
5Ikinyingi malu yanda kakupi dopale ingyuo mandamo dokome
yanda pimwai dupwa kote lenge dokona nyuo anamasi minyarami ingya nalyamo dokona
raemaiyuo karara.
Copyright information for
KYC