Isaiah 16
1 aTwarĩrai ũrĩa wathanaga bũrũritũtũrũme twa kũrĩha igooti,
kuuma itũũra rĩa Sela, gũtuĩkanĩria werũ-inĩ,
nginya kĩrĩma-inĩ kĩa Mwarĩ wa Zayuni.
2 bO ta ũrĩa nyoni ciũrũũraga
ciatharĩrio gĩtara gĩacio,
ũguo no taguo andũ-a-nja a Moabi
magaikara marĩ mariũko-inĩ ma Arinoni. ▼
▼Arinoni rwarĩ rũũĩ rũnene rwa bũrũri wa Moabi.
3“Tũhei kĩrĩra, na mũtue itua.
Tũmai kĩĩruru kĩanyu gĩtuĩke ta ũtukũ,
o kũrĩ mũthenya barigici.
Hithai arĩa maingatĩtwo kwao,
na mũtigakunyanĩre arĩa moorĩire kwanyu.
4 dRekei andũ a Moabi arĩa mehithĩte kwanyu maikare na inyuĩ;
tuĩkai kĩĩgitio kĩao kuuma kũrĩ mwanangani.”
Mũhinyanĩrĩria nĩagakinya mũthia,
naguo mwanangĩko ũthire;
nake mũũgiti nĩakabuĩria kuuma bũrũri-inĩ.
5 eGĩtĩ kĩa ũnene gĩkaahaandwo na wendo;
na mũndũ mwĩhokeku nĩwe ũgaagĩikarĩra,
o mũndũ wa kuuma nyũmba ya Daudi,
mũndũ ũrĩa ũgaatuanagĩra ciira arũmĩrĩire o kĩhooto,
namo maũndũ ma ũthingu nĩmo akaahiũhaga gwĩka.
6Nĩtũiguĩte ũhoro wa mwĩtĩĩo wa Moabi:
tũkaigua ũhoro wa mwĩtĩĩo wake mũkĩru na mwĩĩkĩrĩro wake,
tũkaigua ũhoro wa mwĩtĩĩo wake na rũngʼathio rwake;
no rĩrĩ, mwĩgaatho ũcio wake no wa tũhũ.
7 fNĩ ũndũ ũcio andũ a Moabi nĩkũgirĩka maragirĩka,
maragirĩka hamwe nĩ ũndũ wa Moabi.
Cakayai na mũnyiitwo nĩ kĩeha
nĩ ũndũ wa andũ a Kiri-Haresethi.
8Mĩgũnda ya Heshiboni nĩĩrahooha,
o na mĩthabibũ ya Sibima o nayo nĩĩrahooha.
Aathani a ndũrĩrĩ
nĩmarangĩrĩirie mĩthabibũ ĩrĩa mĩega mũno,
ĩrĩa hĩndĩ ĩmwe yakinyĩte Jazeri,
na ĩgatheerema yerekeire werũ-inĩ.
Thuuna ciayo ciatambĩte
igakinya o iria-inĩ.
9 gNĩ ũndũ ũcio nĩndĩrarĩra, ngarĩra o ta Jazeri,
ngĩrĩrĩra mĩthabibũ ya Sibima.
Wee Heshiboni, o nawe Eleale,
ngũmũihũgia na maithori!
Tondũ mbugĩrĩrio cia gĩkeno kĩanyu nĩ ũndũ wa matunda manyu marĩa meruĩte,
na nĩ ũndũ wa magetha manyu ma ngano nĩithirĩte.
10 hGũtirĩ gĩkeno kana ndũhiũ mĩgũnda-inĩ ya matunda;
gũtirĩ mũndũ ũraina kana akoigĩrĩria mĩgũnda-inĩ ya mĩthabibũ,
gũtirĩ mũndũ ũrahiha ndibei kĩhihĩro-inĩ,
nĩgũkorwo nĩndũmĩte ngemi cia magetha ciage kũiguuo.
11 iNgoro yakwa nĩĩracakaĩra Moabi o ta kĩnanda kĩa mũgeeto,
nayo ngoro yakwa ĩgacaĩra Kiri-Heresethu.
12 jRĩrĩa andũ a Moabi maathiĩ kũndũ kũrĩa gũtũũgĩru makahooe,
no kwĩnogia menogagia;
hĩndĩ ĩrĩa maathiĩ ihooero-inĩ rĩao kũhooya,
no wĩra wa tũhũ marutaga.
13Ũyũ nĩguo ũhoro ũrĩa Jehova aarĩtie ũkoniĩ Moabi. 14 kNo rĩrĩ, rĩu Jehova ekuuga atĩrĩ: “Mĩaka ĩtatũ ĩtanathira, ĩtarĩtwo ta ũrĩa mĩaka ya mũndũ wandĩkĩtwo wĩra ĩrĩkanagĩrwo-rĩ, riiri wa Moabi hamwe na andũ ake othe nĩũkanyararwo, namo matigari make makorwo marĩ manini mũno na makahinyara.”
Copyright information for
KikGKY