Psalms 124
Gũcookia Ngaatho nĩ ũndũ wa Ũgitĩri
Thaburi ya Daudi
1 aKorwo Jehova ndaakoretwo arĩ mwena witũ;Isiraeli nĩmakiuge ũguo:
2Korwo Jehova ndaarĩ mwena witũ
rĩrĩa andũ maatũtharĩkĩire-rĩ,
3nĩmangĩatũmeririe tũrĩ muoyo;
rĩrĩa marakara mao maatũrĩrĩmbũkĩire-rĩ,
4 bmũiyũro wa maaĩ nĩũngĩatũhubanĩirie,
tũhumbwo nĩ nditi ya maaĩ macio;
5maaĩ macio maathereraga na hinya mũno
nĩmangĩatũthereririe.
6Jehova arogoocwo,
o we ũtaatũrekereirie tũtambuurangwo nĩ magego mao.
7 cIthuĩ tũhonokete ta nyoni
ĩhonokete mũtego-inĩ wa mũmĩtegi;
mũtego nĩunangĩtwo,
na ithuĩ nĩtũhonokete.
8 dŨteithio witũ uumaga harĩ Jehova,
o we Mũũmbi wa igũrũ na thĩ.
Copyright information for
KikGKY