Psalms 13
Gweterera Ũhonokio wa Ngai
Thaburi ya Daudi
1 aNĩ nginya rĩ, Wee Jehova?Ũgũtũũra ũriganĩirwo nĩ niĩ nginya tene?
Nĩ nginya rĩ ũgũtũũra ũũhithĩte ũthiũ waku?
2Nĩ nginya rĩ ngũtũũra ngianaga na meciiria makwa,
na o mũthenya ngoragwo na ihooru ngoro-inĩ yakwa?
Nĩ nginya rĩ thũ yakwa ĩgũtũũra ĩĩhootaga?
3 bWee Jehova, Ngai wakwa, ndora na ũnjookerie ũhoro.
Tũma maitho makwa mone, nĩguo ndikae gũkoma toro wa gĩkuũ;
4 cnĩguo thũ yakwa ndĩkoige atĩrĩ, “Nĩndĩmũhootete,”
nao arĩa marĩ muku na niĩ magĩkenere kũgũa gwakwa.
5 dNo niĩ ndĩhokete wendo waku ũrĩa ũtathiraga;
ngoro yakwa ĩkenagĩra ũhonokio waku.
6 eNĩngũinĩra Jehova,
nĩgũkorwo nĩanjĩkĩte wega mũno.
Copyright information for
KikGKY