Psalms 149
Kũgooca Ngai nĩ ũndũ wa Wega Wake kũrĩ Isiraeli
1 aGoocai Jehova.Inĩrai Jehova rwĩmbo rwerũ,
mũmũgooce mũrĩ kĩũngano-inĩ kĩa arĩa aamũre.
2 bAndũ a Isiraeli nĩmakenere ũcio wamombire;
andũ a Zayuni nĩmacanjamũke nĩ ũndũ wa Mũthamaki wao.
3Nĩmagooce rĩĩtwa rĩake makĩrũgarũgaga,
na mamũinĩre na tũhembe, na kĩnanda kĩa mũgeeto.
4 cNĩgũkorwo Jehova nĩakenagio nĩ andũ ake;
andũ arĩa ahooreri amahumbaga thũmbĩ ya ũhonokio.
5 dAndũ arĩa aamũre nĩmakenere gĩtĩĩo kĩu,
na maine macanjamũkĩte marĩ o marĩrĩ-inĩ mao.
6 eŨgooci wa Mũrungu ũrokorwo tũnua-inĩ twao,
na rũhiũ rwa njora rũnoore mĩena yeerĩ rũkorwo moko-inĩ mao,
7 fnĩguo meerĩhĩrie harĩ ndũrĩrĩ,
na maherithie kĩrĩndĩ gĩa thĩ,
8 gnĩguo moohe athamaki ao na mĩnyororo,
na moohe andũ ao arĩa marĩ igweta na bĩngũ cia kĩgera,
9 hnĩguo mamakinyĩrie ituĩro rĩrĩa mandĩkĩirwo.
Ũcio nĩguo riiri wa andũ ake othe arĩa aamũre.
Goocai Jehova.
Copyright information for
KikGKY