Psalms 3
Ihooya rĩa Rũciinĩ rĩa kũũria Ũteithio
Thaburi ya Daudi
1Wee Jehova, kaĩ thũ ciakwa nĩ nyingĩ-ĩ!Andũ arĩa manjũkĩrĩire nĩ aingĩ mũno!
2 aAingĩ nĩ arĩa maraaria ũhoro wakwa, makoiga atĩrĩ,
“Ngai ndangĩmũhonokia.”
3 bNo rĩrĩ, Wee Jehova nĩwe ngo ya kũngitĩra mĩena yothe;
Wee nowe ũũheaga riiri na ũgatũũgĩria mũtwe wakwa.
4 cNgayagĩra Jehova na mũgambo mũnene,
nake akanjĩtĩka arĩ kĩrĩma-inĩ gĩake kĩamũre.
5 dNiĩ ngomaga na ngoona toro;
ngacooka ngokĩra rĩngĩ, tondũ Jehova nĩwe ũndũũragia.
6 eNdingĩĩtigĩra andũ makũmi ma ngiri,
acio mehaarĩirie kũnjũkĩrĩra na mĩena yothe.
7 fArahũka, Wee Jehova!
Wee Ngai wakwa, honokia!
Thũ ciakwa ciothe nĩwe ũcigũthĩte thĩa,
na ũkoinanga magego ma andũ arĩa aaganu.
8 gŨhonokio uumaga harĩ Jehova.
Irathimo ciaku irotũũra na andũ aku.
Copyright information for
KikGKY