Psalms 54
Ngai Nĩwe Ũteithio Wakwa
Thaburi ya Daudi
1 aWee Ngai, honokia nĩ ũndũ wa rĩĩtwa rĩaku;ndĩhĩria na hinya waku.
2Wee Ngai, igua ihooya rĩakwa;
thikĩrĩria ciugo cia kanua gakwa.
3 bAndũ ageni nĩmanjũkĩrĩire;
nao andũ matarĩ tha nĩmaracaria muoyo wakwa,
o andũ acio matarũmbũyagia Ngai.
4 cTi-itherũ Ngai nĩwe ũteithio wakwa;
Mwathani nĩwe ũndiiragĩrĩra.
5 dCookereria andũ arĩa manjambagia ũũru wao;
Wee maniine nĩ ũndũ wa wĩhokeku waku.
6Nĩngũkũrutĩra igongona rĩa kwĩyendera;
nĩngũgooca rĩĩtwa rĩaku, Wee Jehova,
tondũ nĩ rĩega.
7 eNĩgũkorwo nĩahonoketie mathĩĩna-inĩ makwa mothe,
na maitho makwa nĩmeyoneire gũtoorio gwa thũ ciakwa.
Copyright information for
KikGKY