Psalms 85
Ihooya rĩa kũũria Ũtugi wa Ngai
Thaburi ya Ariũ a Kora
1 aWee Jehova, nĩ wekire bũrũri waku wega;nĩwacookeirie Jakubu ũtonga wake.
2Nĩwarekeire andũ aku waganu wao,
na ũkĩhumbĩra mehia mao mothe.
3 bNĩweheririe mangʼũrĩ maku mothe,
na ũgĩthirwo nĩ marakara maku mahiũ.
4Tũma tũgaacĩre rĩngĩ, Wee Ngai Mũhonokia witũ,
na ũtige gũikara ũtũrakarĩire.
5 cŨgũtũũra ũtũrakarĩire nginya tene?
Marakara maku megũkinyĩra njiarwa na njiarwa?
6 dKaĩ ũtangĩtũrurumũkia ngoro ciitũ,
nĩguo andũ aku magũkenere?
7Wee Jehova-rĩ, tuonie wendo waku ũrĩa ũtathiraga,
na ũtũhe ũhonokio waku.
8 eNĩngũthikĩrĩria njigue ũrĩa Mũrungu, o we Jehova, ekuuga;
eranagĩra thayũ kũrĩ andũ ake, o acio ake aamũre:
no ndũkareke macookerere ũrimũ wao.
9 fTi-itherũ ũhonokio wake ũrĩ hakuhĩ na arĩa mamwĩtigĩrĩte,
nĩgeetha riiri wake ũtũũre bũrũri-inĩ witũ.
10 gWendo na wĩhokeku nĩicemanĩtie;
ũthingu na thayũ nĩikĩmumunyanĩte.
11Wĩhokeku ũkunũkaga kuuma na thĩ,
naguo ũthingu ũcũthagĩrĩrie ũrĩ o igũrũ.
12 hTi-itherũ Jehova no aheane kĩndũ o gĩothe kĩega,
naguo bũrũri witũ ũciarage magetha maguo.
13Ũthingu nĩguo ũmũthiiaga mbere,
ũkahaaragĩria makinya make njĩra.
Copyright information for
KikGKY