Psalms 10:1-12
Ũnene wa Ngai
1Wee Jehova, ũkũrũgama haraaya nĩkĩ?Wĩhithaga nĩkĩ hĩndĩ ya mathĩĩna?
2 aMũndũ ũrĩa mwaganu etĩĩaga rĩrĩa ekũhĩta andũ arĩa matarĩ hinya,
rĩrĩa magwatio nĩ mĩbango ĩyo mathugundĩte.
3 bMũndũ ũrĩa mwaganu erahagĩra merirĩria ma ngoro yake;
arathimaga andũ arĩa akoroku, na akaruma Jehova.
4Mũndũ ũcio mwĩtĩĩi ndarongoragia Ngai;
meciiria-inĩ make mothe ndeciiragia ũhoro wa Ngai.
5 cNjĩra ciake ciikaraga igaacĩire hĩndĩ ciothe;
we nĩ mwĩtĩĩi mũno, namo mawatho maku nĩmamũraihĩrĩirie;
we nĩkũnyũrũria anyũrũragia arĩa marĩ ũthũ nake.
6 dEĩĩraga na ngoro yake atĩrĩ, “Gũtirĩ ũndũ ũngĩnyinainia;
ndĩrĩkoragwo ndĩ mũkenu hĩndĩ ciothe na gũtirĩ hĩndĩ ngoona thĩĩna.”
7 eKanua gake kaiyũrĩte irumi na maheeni, o na kũguoyohithania;
mĩtangĩko na mĩario mĩũru ĩrĩ rũrĩmĩ-inĩ rwake.
8 fAikaraga oheirie andũ hakuhĩ na matũũra:
ageterera arĩa matarĩ na ũũru akamooraga,
aikaraga acũthĩrĩirie na hitho mũndũ ũrĩa ũtarĩ na mũmũteithia.
9Aikaraga oheirie o ta mũrũũthi ũrĩ kĩmamo-inĩ kĩaguo;
agaikara oheirie nĩguo anyiite arĩa matarĩ na hinya;
anyiitaga arĩa matarĩ na hinya, akamakururia akamatwara mũtego-inĩ wake.
10Ahehenjaga andũ acio matarĩ na wa kũmateithia, makaringĩka;
magũũaga thĩ nĩ ũndũ wa hinya wake.
11 gEĩĩraga na ngoro atĩrĩ, “Mũrungu nĩariganĩirwo:
nĩehumbĩrĩte ũthiũ na ndoonaga.”
12 hArahũka, Jehova!
Ambararia guoko gwaku na igũrũ, Wee Mũrungu.
Tiga kũriganĩrwo nĩ arĩa matarĩ na hinya.
Copyright information for
KikGKY