1Cor 8 | KjiSC | STEP | Ghidi tuna ira ghano ta mala veala lao ka ira nguzunguzu: Ghai na avohi mo ta kuru ghita avoavohona ghita haroharo. Avoavoho mu e va meha hadu varanga, nga namaha mu e va gigimai ia kiloau.

1 Corinthians 8

Ira Ghano Ta Mala Veala Lao Ka Ira Nguzunguzu

1 Ghidi tuna ira ghano ta mala veala lao ka ira nguzunguzu: Ghai na avohi mo ta kuru ghita avoavohona ghita haroharo. Avoavoho mu e va meha hadu varanga, nga namaha mu e va gigimai ia kiloau. 2 Ira noni di puina avohori vahina leghutau nga ira ta ghua mu, e birusuna ma tadi avohina. 3 Nga ia noni ta namaha ghini God mu, God e avohi manei.

4 Ghinina tuna ia mahai ghano neke veala ghidi laoro ka ira nguzunguzu: Ghita da avohi mo ia nguzunguzu mu eka leghutau hohoghonana ghu ka malau iahi peka, nia kaike God mo ta auna, e ghua. 5 Vununa geta au ghu god ira ta ghua ghidi ka kolangana fate, ba ka malau iahi peka, (taghe e hohoghona mamu ta auna tehi “god” nia tehi “lod”), 6 ghe ghita da avohi mo mu ta auna kaike God mo; ia Mama neke va vuhariro vahina leghutau nga, ia ta au vanani ghita; nia kaike Faghina mo mu ta auna. Manei mu Zisas Kraes ka neke va vuhariro God vahina leghutau nga nia ka manei neke vanadana God ia doli, e ghua.

7 Ghe eka ghua ghu leghu noni nga ta avohina hohoghona iahi. Kehara mu to dolidi meha va ngana ghidira ira nguzunguzu e leghutau dolidi ta ghuana, edi nganai ghu ka ia fata mahairi ira ghano dike mala veala laoro ka ira nguzunguzu, taghe di va totoana lao ka ira toraina god dolidi ta ghuana. Vununa ira nganganadi di paeke, edi nganai ghu maneri ta sasakena taghodi. 8 Ghe ghano mu eka hio va namo ghita lao ghu ka God; ghita geta mahai ghu, ba deo ghu mahaidana ghe, da varifata ma ka ia nahalina God.

9 Ghe agho o banabana, oka va sinaberei la ghu ia keha ta paeke ka ngangana, ka ira ghano ta kalasa ka agho mala mahairira.

10 ?Vununa ia noni ta paeke ka ia avoavoho ghinina heve ia ta muko nia veha neto finigho la agho ia ta kuruigho avoavoho iahi mahaina ka ia suga mala va totoanai nguzunguzu, heve, iahi e deo ge age vanani gigima ghu manei mala mahairira heve neke to veala ghidi laoro ka ira nguzunguzu? 11 Taremehada noni ta va hohoghona ta paeke iahi neke leme vananio Kraes mu, to va mukoi ka ia avoavoho agho ghinina e veha mo mahairira vahina ghano nga, ia ta ghua. 12 Ka ia va gigimai agho ia nganganana ia keha taremehau noni ta va hohoghona ta riva ghidira ira leghutau di muko ira ta ghua ghidi manei, agho no ngovali manei nia no ngovali Kraes, e ghua. 13 Ianimu la ghe, nato va sasakei la ara ia taremehagu noni ta va hohoghona ka ira heve ta mahairi ara, a toraina deo ghu ara ke age mahai leghuina ghano ianimu, mala deona ga age va riufi ghu ara manei.